തിരുവനന്തപുരം: സംസ്ഥാനത്ത് ഏപ്രിൽ മാസത്തിൽ നിയമസഭ തെരഞ്ഞെടുപ്പ് നടന്നേക്കുമെന്ന സൂചന നൽകി മുഖ്യ തെരഞ്ഞെടുപ്പ് ഓഫീസർ ടിക്കറാം മീണ. അടുത്ത മാസം അവസാനത്തോടെ പ്രഖ്യാപനം ഉണ്ടാകുമെന്ന് അദ്ദേഹം ഏഷ്യാനെറ്റ് ന്യൂസിനോടാണ് പ്രതികരിച്ചത്. അഞ്ച് സംസ്ഥാനങ്ങളിലെയും തെരഞ്ഞെടുപ്പ് ഏപ്രിലിൽ തന്നെയാകാനാണ് സാധ്യതയെന്നും മീണ പറയുന്നു. 'ഇപ്പോൾ കിട്ടുന്ന സൂചനകൾ അനുസരിച്ച് ഏപ്രിൽ 30ന് മുൻപ് അഞ്ച് സംസ്ഥാനങ്ങളിലും തെരഞ്ഞെടുപ്പ് നടക്കുമെന്നാണ് കണക്കുകൂട്ടൽ. ഫെബ്രുവരി 15ന് ശേഷം എപ്പോൾ വേണമെങ്കിലും പ്രഖ്യാപനം ഉണ്ടാകാം' ടിക്കറാം മീണ പറഞ്ഞു. തെരഞ്ഞെടുപ്പ് വിജ്ഞാപനത്തിന് അഞ്ച് ദിവസത്തിനകം തപാൽവോട്ടിന് അപേക്ഷിച്ചാൽ മതിയെന്നും മീണ വ്യക്തമാക്കി.
Also Read : ജോ ബൈഡനും കമലയും ഇന്ന് അധികാരമേൽക്കും; വാഷിങ്ടണിൽ കനത്ത സുരക്ഷ
പരീക്ഷകളുടേയും റംസാന്റെയും തീയതികൾ അനുസരിച്ചായിരിക്കും തെരഞ്ഞെടുപ്പ് തീയതി നിശ്ചയിക്കുക എന്നാണ് മുഖ്യ തെരഞ്ഞെടുപ്പ് ഓഫീസർ പറയുന്നത്. അതേസമയം നിയമസഭ തെരഞ്ഞെടുപ്പുമായി ബന്ധപ്പെട്ട് അന്തിമ വോട്ടർപട്ടിക ഇന്ന് പ്രസിദ്ധീകരിച്ചേക്കും. സംസ്ഥാനത്ത് ഒറ്റഘട്ടമായി തെരഞ്ഞെടുപ്പ് നടത്താനാണ് കമ്മിഷന്റെ നീക്കം.
കൊവിഡ് ഉൾപ്പെടെയുള്ള സാഹചര്യം പരിഗണിച്ച് ഒരു ബൂത്തിൽ പരമാവധി ആയിരം വോട്ടർമാരെന്ന് നിജപ്പെടുത്തുമെന്നും ടിക്കറാം മീണ നേരത്തെ വ്യക്തമാക്കിയിരുന്നു. പോളിംഗ് സ്റ്റേഷനുകളുടെ എണ്ണവും പോളിംഗ് ഉദ്യോഗസ്ഥരുടെ എണ്ണവും കൂട്ടും. കൊവിഡ് പോസ്റ്റൽ ബാലറ്റുമായി ബന്ധപ്പെട്ട വിഷയങ്ങളിൽ രാഷ്ട്രീയ പാർട്ടികളുമായി ചർച്ച ചെയ്ത ശേഷം തീരുമാനമെടുക്കുമെന്നും അദ്ദേഹം പറഞ്ഞിരുന്നു.
Also Read : ജോ ബൈഡനും കമലയും ഇന്ന് അധികാരമേൽക്കും; വാഷിങ്ടണിൽ കനത്ത സുരക്ഷ
പരീക്ഷകളുടേയും റംസാന്റെയും തീയതികൾ അനുസരിച്ചായിരിക്കും തെരഞ്ഞെടുപ്പ് തീയതി നിശ്ചയിക്കുക എന്നാണ് മുഖ്യ തെരഞ്ഞെടുപ്പ് ഓഫീസർ പറയുന്നത്. അതേസമയം നിയമസഭ തെരഞ്ഞെടുപ്പുമായി ബന്ധപ്പെട്ട് അന്തിമ വോട്ടർപട്ടിക ഇന്ന് പ്രസിദ്ധീകരിച്ചേക്കും. സംസ്ഥാനത്ത് ഒറ്റഘട്ടമായി തെരഞ്ഞെടുപ്പ് നടത്താനാണ് കമ്മിഷന്റെ നീക്കം.
കൊവിഡ് ഉൾപ്പെടെയുള്ള സാഹചര്യം പരിഗണിച്ച് ഒരു ബൂത്തിൽ പരമാവധി ആയിരം വോട്ടർമാരെന്ന് നിജപ്പെടുത്തുമെന്നും ടിക്കറാം മീണ നേരത്തെ വ്യക്തമാക്കിയിരുന്നു. പോളിംഗ് സ്റ്റേഷനുകളുടെ എണ്ണവും പോളിംഗ് ഉദ്യോഗസ്ഥരുടെ എണ്ണവും കൂട്ടും. കൊവിഡ് പോസ്റ്റൽ ബാലറ്റുമായി ബന്ധപ്പെട്ട വിഷയങ്ങളിൽ രാഷ്ട്രീയ പാർട്ടികളുമായി ചർച്ച ചെയ്ത ശേഷം തീരുമാനമെടുക്കുമെന്നും അദ്ദേഹം പറഞ്ഞിരുന്നു.