തിരുവനന്തപുരം: ഇതര സംസ്ഥാനങ്ങളിൽ തെരഞ്ഞെടുപ്പ് ഡ്യൂട്ടിക്ക് നിയോഗിക്കപ്പെടുന്ന സംസ്ഥാന പോലീസ് സേനയിലെ ഉദ്യോഗസ്ഥർക്ക് മതിയായ സൗകര്യങ്ങൾ ഉറപ്പു വരുത്തണമെന്ന് മുഖ്യമന്ത്രി. കേന്ദ്ര തെരഞ്ഞെടുപ്പ് കമ്മീഷനും സിആർപിഎഫും ഇക്കാര്യത്തിൽ മതിയായ നടപടി സ്വീകരിക്കണമെന്ന് മുഖ്യമന്ത്രി ആവശ്യപ്പെട്ടു.
ബിഹാറിൽ തെരഞ്ഞെടുപ്പ് ഡ്യൂട്ടിക്ക് പോയ പോലീസ് ഉദ്യോഗസ്ഥർക്ക് മടക്ക യാത്രയിലടക്കം ഏറെ ദുരിതം അനുഭവിക്കേണ്ടി വന്നതിനാലാണ് ഇപ്പോൾ ഇത് ശ്രദ്ധയിൽപ്പെടുത്തുന്നതെന്നും പിണറായി വിജയൻ ഫേസ്ബുക്കിൽ കുറിച്ചു.
ലക്ഷദ്വീപിലെ ജോലിക്ക് ശേഷമാണ് പോലീസ് ഉദ്യോഗസ്ഥർ ബിഹാറിലേക്ക് പോയത്. എന്നാൽ, മടക്കയാത്രക്ക് പോലീസുകാർക്ക് ട്രെയിനിൽ സൗകര്യപ്രദമായ സീറ്റ് നൽകുകയോ മറ്റ് സൗകര്യങ്ങൾ ഉറപ്പാക്കുകയോ ചെയ്തില്ലെന്നും മുഖ്യമന്ത്രി ആരോപിച്ചു. ഇത്തരം സംഭവങ്ങൾ ആവർത്തിക്കരുതെന്നും ഇതിൽ അന്വേഷണം ആവശ്യമാണെന്നും മുഖ്യമന്ത്രി ആവശ്യപ്പെട്ടു.
ബിഹാറിൽ തെരഞ്ഞെടുപ്പ് ഡ്യൂട്ടിക്ക് പോയ പോലീസ് ഉദ്യോഗസ്ഥർക്ക് മടക്ക യാത്രയിലടക്കം ഏറെ ദുരിതം അനുഭവിക്കേണ്ടി വന്നതിനാലാണ് ഇപ്പോൾ ഇത് ശ്രദ്ധയിൽപ്പെടുത്തുന്നതെന്നും പിണറായി വിജയൻ ഫേസ്ബുക്കിൽ കുറിച്ചു.
ലക്ഷദ്വീപിലെ ജോലിക്ക് ശേഷമാണ് പോലീസ് ഉദ്യോഗസ്ഥർ ബിഹാറിലേക്ക് പോയത്. എന്നാൽ, മടക്കയാത്രക്ക് പോലീസുകാർക്ക് ട്രെയിനിൽ സൗകര്യപ്രദമായ സീറ്റ് നൽകുകയോ മറ്റ് സൗകര്യങ്ങൾ ഉറപ്പാക്കുകയോ ചെയ്തില്ലെന്നും മുഖ്യമന്ത്രി ആരോപിച്ചു. ഇത്തരം സംഭവങ്ങൾ ആവർത്തിക്കരുതെന്നും ഇതിൽ അന്വേഷണം ആവശ്യമാണെന്നും മുഖ്യമന്ത്രി ആവശ്യപ്പെട്ടു.