തിരുവനന്തപുരം: യൂറോപ്യൻ സന്ദര്ശനം വിജയകരമായിരുന്നുവെന്ന് മുഖ്യമന്ത്രി പിണറായി വിജയൻ. പ്രളയനിയന്ത്രണത്തിനും പുനര്നിര്മാണത്തിനും വിജയകരമായ മാതൃകകള് വിദേശകാര്യങ്ങളിലുണ്ടെന്നും നെതര്ലൻഡ്സിൽ നിന്നുള്ള വിജയകരമായ മാതൃകകള് പിന്തുടരുമെന്നും മുഖ്യമന്ത്രി പറഞ്ഞു. കേരളത്തിന്റെ ഭൂപ്രകൃതിയുമായി സാമ്യമുള്ള നെതര്ലൻഡ്സിൽ പ്രളയനിയന്ത്രണത്തിനും പ്രളയാനന്തര പുനര്നിര്മാണത്തിനും മികച്ച മാതൃകകള് നടപ്പാക്കിയിട്ടുണ്ടെന്നും ഇവ കേരളവും സ്വീകരിക്കുമെന്നും പിണറായി വിജയൻ പറഞ്ഞു. പുനര്നിര്മാണം സംബന്ധിച്ച് അഡീഷണൽ ചീഫ് സെക്രട്ടറി ഉടൻ യോഗം വിളിച്ചു ചേര്ക്കുമെന്നും മുഖ്യമന്ത്രി അറിയിച്ചു.
കൃഷി, വനപരിപാലനം, പരിസ്ഥിതി തുടങ്ങിയവ മുൻനിര്ത്തിയുള്ള ടൂറിസം പദ്ധതികളും അവയുടെ സാധ്യതകളും യാത്രയ്ക്കിടെ ചര്ച്ച ചെയ്തെന്ന് മുഖ്യമന്ത്രി പറഞ്ഞു. നെതര്ലൻഡ്സിലെ വിവിധ വ്യവസായികളുടെയും മറ്റു സംരംഭകരുടെയും യോഗത്തിൽ വ്യവസായ പ്രതിനിധികളുമായും ചര്ച്ച നടത്തിയെന്നും കേരളത്തിലെ വ്യവസായ മേഖലയുമായി ഡച്ച് സംരംഭകര് സഹകരിക്കാൻ സന്നദ്ധത അറിയിച്ചെന്നും മുഖ്യമന്ത്രി പറഞ്ഞു. ഡച്ച് കമ്പനികളുമായുള്ള സഹായത്തോടെ സംസ്ഥാനത്തെ വിവിധ മേഖലകളിൽ വൻകുതിച്ചുചാട്ടം പ്രതീക്ഷിക്കുന്നുണ്ടെന്നും മുഖ്യമന്ത്രി പറഞ്ഞു.
കൃഷി, വനപരിപാലനം, പരിസ്ഥിതി തുടങ്ങിയവ മുൻനിര്ത്തിയുള്ള ടൂറിസം പദ്ധതികളും അവയുടെ സാധ്യതകളും യാത്രയ്ക്കിടെ ചര്ച്ച ചെയ്തെന്ന് മുഖ്യമന്ത്രി പറഞ്ഞു. നെതര്ലൻഡ്സിലെ വിവിധ വ്യവസായികളുടെയും മറ്റു സംരംഭകരുടെയും യോഗത്തിൽ വ്യവസായ പ്രതിനിധികളുമായും ചര്ച്ച നടത്തിയെന്നും കേരളത്തിലെ വ്യവസായ മേഖലയുമായി ഡച്ച് സംരംഭകര് സഹകരിക്കാൻ സന്നദ്ധത അറിയിച്ചെന്നും മുഖ്യമന്ത്രി പറഞ്ഞു. ഡച്ച് കമ്പനികളുമായുള്ള സഹായത്തോടെ സംസ്ഥാനത്തെ വിവിധ മേഖലകളിൽ വൻകുതിച്ചുചാട്ടം പ്രതീക്ഷിക്കുന്നുണ്ടെന്നും മുഖ്യമന്ത്രി പറഞ്ഞു.