മെഡിക്കൽ കോളജ് ജീവനക്കാരെ പ്രകീർത്തിച്ച് മുഖ്യമന്ത്രി

കോഴിക്കോട്: പ്രളയത്തിൽ നിന്ന് കരകയറുന്ന കേരളത്തിന് കൈത്താങ്ങായി സാലറി ചലഞ്ചിൽ പങ്കെടുത്ത കോഴിക്കോട് മെഡിക്കൽ കോളജിലെ ജീവനക്കാരെ പ്രശംസിച്ച് മുഖ്യമന്ത്രി. ലഭിക്കുന്ന ശമ്പളത്തിന്റെ വലുപ്പ ചെറുപ്പം നോക്കാതെ 91 ശതമാനം ജീവനക്കാരും സാലറി ചലഞ്ചിൽ ഭാഗമായത് പ്രശംസനീയമാണെന്ന് മുഖ്യമന്ത്രി പിണറായി വിജയൻ പറഞ്ഞു.

കോഴിക്കോട് മെഡിക്കൽ കോളജ് അധ്യാപകരുടെ സാലറി ചലഞ്ചിലെ പങ്കാളിത്തം മറ്റ് കോളജ് അധ്യാപകരും മാതൃകയാക്കണമെന്ന് മുഖ്യമന്ത്രി പറഞ്ഞു. കോഴിക്കോട് മെഡിക്കൽ കോളജിലെ ത്രിതല കാൻസർ സെന്ററിന്റെ ഉദ്‌ഘാടനം നിർവഹിച്ച് സംസാരിക്കുകയായിരുന്നു മുഖ്യമന്ത്രി. കേന്ദ്രസംസ്ഥാന സർക്കാരുകളുടെ സഹകരണത്തോടെ 44.5 കോടി രൂപ ചെലവിലാണ് കാൻസർ സെന്റർ നിർമിച്ചിരിക്കുന്നത്. നമ്മുടെ കൈയിലുള്ളത് നാടിൻറെ ആവശ്യത്തിനായി ഉപയോഗിക്കാൻ കഴിയണമെന്ന് മുഖ്യമന്ത്രി ഉദ്‌ഘാടനവേളയിൽ പറഞ്ഞു.