'കുട്ടികളുടെ രക്തം ചിന്തിച്ച്' പോസ്റ്റര്‍ എഴുതിയ സംഭവത്തില്‍ ബാലവകാശ കമ്മീഷന്‍ കേസെടുത്തു

കൊച്ചി: കുട്ടികളുടെ രക്തം ചിന്തിച്ച് പോസ്റ്റര്‍ എഴുതിയ സംഭവത്തില്‍ ബാലവകാശ കമ്മീഷന്‍ കേസെടുത്തു. മാധ്യമവാര്‍ത്തകളുടെ അടിസ്ഥാനത്തിലാണ് നടപടി. കോതമംഗലം ചെറിയ പള്ളിയില്‍ നടന്ന പരിപാടിയിലാണ് കൈവിരലുകളില്‍ സൂചികൊണ്ടുണ്ടാക്കിയ മുറിവില്‍നിന്നും രക്തമെടുത്ത് കടലാസില്‍ കുട്ടികളെക്കൊണ്ട് നിര്‍ബന്ധിച്ച് പോസ്റ്റര്‍ എഴുതിച്ചത്.

Also Read: സഭ സംരക്ഷിക്കാൻ 'കുട്ടികളുടെ ചോര'; യാക്കോബായ സഭയ്ക്കെതിരെ വിമർശനം രൂക്ഷം

യാക്കോബായ സഭയ്ക്ക് അനുകൂലമായി നിരന്തരം പോസ്റ്റുകള്‍ പ്രത്യക്ഷപ്പെടുന്ന 'പത്രോസിന്റെ പടക്കുതിര' എന്ന ഫേസ്ബുക്ക് പേജിലാണ് ഈ വീഡിയോ പ്രത്യക്ഷപ്പെട്ടത്. പ്രസ്തുത പോസ്റ്റിന്റെ ആധികാരികത 'സമയം മലയാളത്തിന്' സ്ഥിരീകരിക്കാന്‍ കഴിഞ്ഞിട്ടില്ല.