നടിയ്ക്കൊപ്പം നിൽക്കാത്തവര്‍ മനുഷ്യപക്ഷത്തല്ലെന്ന് ചിന്ത ജെറോം

കോഴിക്കോട്: ആക്രമണത്തെ അതിജീവിച്ച നടിയ്ക്കൊപ്പം നിൽക്കാത്തവര്‍ ചരിത്രത്തിൽ കുറ്റക്കാരായിരിക്കുമെന്ന് യുവജന കമ്മീഷൻ അധ്യക്ഷ ചിന്ത ജെറോം. താരസംഘടനയോ സഹപ്രവര്‍ത്തകരോ അവര തകര്‍ക്കുന്ന നിലപാട് സ്വീകരിച്ചിട്ടുണ്ടെങ്കിൽ അത് തിരുത്തണമെന്നും ചിന്ത ജെറോം പറഞ്ഞു.

സംഘടനയും സഹപ്രവര്‍ത്തകരും നടിയ്ക്ക് കരുത്ത് പകര്‍ന്ന് കൂടെ നിൽക്കുകയാണ് ചെയ്യേണ്ടത്. ഭിന്നസ്വരങ്ങള്‍ക്ക് പകരം പ്രതിസന്ധിയെ അതിജീവിച്ച നടിക്കൊപ്പം നിൽക്കാൻ പൊതുസമൂഹം മനസ് കാണിക്കണം. മനുഷ്യപക്ഷത്ത് നിൽക്കാത്തവര്‍ ചരിത്രത്തിൽ കുറ്റക്കാരായിരിക്കും. നടിയ്ക്ക് പിന്തുണയുമായി അമ്മയിൽനിന്ന് രാജിവെച്ചവര്‍ ശരിയുടെ പക്ഷത്താണ്. നിലവിലെ സമീപനം തുടര്‍ന്നാൽ നിരവധി പേര്‍ താരസംഘടന വിടുമെന്നും ചിന്ത പറഞ്ഞു.