തിരുവനന്തപുരം: യേശുക്രിസ്തുവിന്റെ പീഢാനുഭവ സ്മരണയില് ലോകമെമ്പാടുമുള്ള ക്രൈസ്തവര് ഇന്ന് ദുഖവെള്ളി ആചരിക്കുന്നു. സംസ്ഥാനത്തും വിപുലമായ ചടങ്ങുകളും പ്രാര്ത്ഥനകളുമാണ് ദുഖവെള്ളിയുടെ ഭാഗമായി നടന്നത്. ക്രൈസ്തവ ദേവാലയങ്ങളില് പ്രത്യേക പ്രാര്ത്ഥനകളും കാല്കഴുകല് ശുശ്രൂഷകള് അടക്കമുള്ള ചടങ്ങുകളും നടന്നു. വിവിധ ക്രൈസ്തവ സഭകളുടെ നേതൃത്വത്തില് കുരിശിന്റെ വഴിയും സംഘടിപ്പിച്ചു. രാജ്യത്തിന്റെ പുരോഗതിക്ക് വേണ്ടി പ്രാര്ത്ഥിക്കേണ്ട സമയമാണിതെന്നും വ്ശ്വാസത്തിന്റെ പേരില് ചേരിതിരിവുകള് ഉണ്ടാക്കുന്ന കാലഘട്ടമാണ് നിലവിലുള്ളതെന്നും കര്ദ്ദിനാള് മാര് ക്ലിമ്മിസ് കത്തോലിക്കാ ബാവ തിരുവനന്തപുരം പാളയം പള്ളിക്ക് സമീപത്ത് നടത്തിയ കുരിശിന്റെ വഴിസന്ദേശ പ്രസംഗത്തില് ചൂണ്ടിക്കാട്ടി.
''രാജ്യം ഒരു പാര്ലമെന്റ് തെരഞ്ഞെടുപ്പിനെ നേരിടാനോരുങ്ങുകയാണ്. ഈ സാഹചര്യത്തില് കാലിക പ്രസക്തമായ, അടിയന്തിര പ്രാധാന്യമുള്ള ഒരു വിഷയം നാം നമ്മുടെ രാജ്യത്തിന് വേണ്ടി പ്രാര്ത്ഥിക്കുക എന്നതാണ്. ഇനിയുള്ള ത്യാഗത്തിന്റെയും സമര്പ്പണത്തിന്റെയും നാളുകളില് നമ്മുടെ രാജ്യത്തിന്റെ ഐശ്വര്യത്തിനും അഭിവൃദ്ധിക്കും വേണ്ടി നാം പ്രാര്ത്ഥിക്കണം.'' കര്ദ്ദിനാള് മാര് ക്ലിമ്മിസ് കത്തോലിക്കാ ബാവ ആഹ്വാനം ചെയ്തു.
തിരുവനന്തപുരത്ത് മൂന്ന് സഭകള് സംയുക്തമായാണ് കുരിശിന്റെ വഴി പരിപാടികള് സംഘടിപ്പിച്ചത്. സീറോ മലബാര് സഭ, സീറോ മലങ്കര സഭ, ലത്തീന് സഭ എന്നീ സഭകളാണ് ഒരുമിച്ച് പരിപാടിക്ക് നേതൃത്വം നല്കിയത്. ക്ലിമ്മിസ് കത്തോലിക്കാ ബാവയുടെ സന്ദേശ പ്രസംഗത്തിന് പിന്നാലെയാണ് കുരിശിന്റെ വഴി ആരംഭിച്ചത്. പതിനാല് സ്ഥലങ്ങളിലും പര്യടനം പിന്നിട്ട് യാത്ര പാളയം പള്ളിയില് സമാപിച്ചു. സംസ്ഥാനത്തുടനീളം വിവിധ പള്ളികളില് പ്രത്യേക പ്രാര്ത്ഥനകളും ശുശ്രൂഷകളും സംഘടിപ്പിച്ചു.
''രാജ്യം ഒരു പാര്ലമെന്റ് തെരഞ്ഞെടുപ്പിനെ നേരിടാനോരുങ്ങുകയാണ്. ഈ സാഹചര്യത്തില് കാലിക പ്രസക്തമായ, അടിയന്തിര പ്രാധാന്യമുള്ള ഒരു വിഷയം നാം നമ്മുടെ രാജ്യത്തിന് വേണ്ടി പ്രാര്ത്ഥിക്കുക എന്നതാണ്. ഇനിയുള്ള ത്യാഗത്തിന്റെയും സമര്പ്പണത്തിന്റെയും നാളുകളില് നമ്മുടെ രാജ്യത്തിന്റെ ഐശ്വര്യത്തിനും അഭിവൃദ്ധിക്കും വേണ്ടി നാം പ്രാര്ത്ഥിക്കണം.'' കര്ദ്ദിനാള് മാര് ക്ലിമ്മിസ് കത്തോലിക്കാ ബാവ ആഹ്വാനം ചെയ്തു.
തിരുവനന്തപുരത്ത് മൂന്ന് സഭകള് സംയുക്തമായാണ് കുരിശിന്റെ വഴി പരിപാടികള് സംഘടിപ്പിച്ചത്. സീറോ മലബാര് സഭ, സീറോ മലങ്കര സഭ, ലത്തീന് സഭ എന്നീ സഭകളാണ് ഒരുമിച്ച് പരിപാടിക്ക് നേതൃത്വം നല്കിയത്. ക്ലിമ്മിസ് കത്തോലിക്കാ ബാവയുടെ സന്ദേശ പ്രസംഗത്തിന് പിന്നാലെയാണ് കുരിശിന്റെ വഴി ആരംഭിച്ചത്. പതിനാല് സ്ഥലങ്ങളിലും പര്യടനം പിന്നിട്ട് യാത്ര പാളയം പള്ളിയില് സമാപിച്ചു. സംസ്ഥാനത്തുടനീളം വിവിധ പള്ളികളില് പ്രത്യേക പ്രാര്ത്ഥനകളും ശുശ്രൂഷകളും സംഘടിപ്പിച്ചു.