തൃശൂരില്‍ ജാഗ്രതാ നിര്‍ദ്ദേശം ലംഘിച്ച് സിഐടിയു യോഗം, കലക്ടര്‍ ഇടപെട്ടു, യോഗം നിര്‍ത്തിവെച്ചു

തൃശൂര്‍: കോറോണ ജാഗ്രത നിര്‍ദേശം നിലനില്‌ക്കെ സിഐടിയു തൃശൂരില്‍ യോഗം നടത്തി. തൃശൂര്‍ സാഹിത്യ അക്കാദമി ഹാളില്‍ നൂറിലധികം പേരാണ് യോഗത്തിനെത്തിയത്. ആളുകള്‍ കൂട്ടം ചേരുന്ന പരിപാടികള്‍ ഒഴിവാക്കണമെന്ന സര്‍ക്കാര്‍ നിര്‍ദേശം നിലനില്‍ക്കെയായിരുന്നു സിഐടിയു യോഗം ചേര്‍ന്നത്.

Also Read: പുഴയിൽ നിന്ന് അമ്മയുടെ മൃതദേഹം കണ്ടെത്തി; മകൾക്കായി തെരച്ചിൽ ശക്തം

എന്നാല്‍ കലക്ടറുടെ നിര്‍ദേശത്തെ തുടര്‍ന്ന് യോഗം നിര്‍ത്തിവെച്ചു. മുന്‍കരുതലുകള്‍ സ്വീകരിച്ചാണ് യോഗം നടത്തിയതെന്നാണ് സിഐടിയു ജില്ലാ നേതൃത്വത്തിന്റെ വിശദീകരണം. സാനിറ്റൈസര്‍ ഉള്‍പ്പെടെയുള്ള എല്ലാ മുന്‍ കരുതലുകളും സ്വീകരിച്ചാണ് പരിപാടി നടത്തുന്നതെന്നായിരുന്നു സിഐടിയു വിശദീകരിച്ചിരുന്നത്.

Also Read: പത്തനംതിട്ടയില്‍ നിന്നും രാസവസ്തു കലര്‍ന്ന ഓറഞ്ചുകള്‍ പിടിച്ചെടുത്തു
യോഗം നടക്കുന്നുണ്ടെന്ന കാര്യം ശ്രദ്ധയില്‍പെട്ടതോടെ നിര്‍ത്തിവെക്കാന്‍ ജില്ല കലക്ടര്‍ ആവശ്യപ്പെടുകയായിരുന്നു. അക്കാദമി ഹാള്‍ പൂട്ടിയിടാനും സെക്രട്ടറിക്ക് കലക്ടര്‍ നിര്‍ദേശം നല്‍കിയിട്ടുണ്ട്. പ്രത്യേക സാഹചര്യം കണക്കിലെടുത്ത് യോഗം നടത്തരുതെന്ന് സിഐടിയു നേതാക്കളോട് നേരത്തെ തന്നെ വ്യക്തമാക്കിയിരുന്നെന്നും കളക്ടര്‍ പറഞ്ഞു.