സി.കെ ജാനു സുൽത്താൻ ബത്തേരിയിൽ ബി.ഡി.ജെ.എസ് സ്ഥാനാർഥി

തിരുവനന്തപുരം: ആദിവാസി ഗോത്രമഹാ സഭാ നേതാവ് സികെ ജാനു ബി.ഡി.ജെ.എസിന്‍റെ സ്ഥാനാർഥിയാകും. സുൽത്താൻ ബത്തേരിയിലാണ് ജാനു മത്സരിക്കുന്നത്.

നേരത്തെ ബിജെപിയുടെ നേതൃത്വത്തിലുള്ള എൻഡിഎ സ്ഥാനാർഥിയായി സികെ ജാനു മത്സരിക്കുമെന്ന് ബി.ജെ.പി അധ്യക്ഷൻ കുമ്മനം രാജശേഖരൻ അറിയിച്ചിരുന്നു. ഇതിനെ തുടർന്നാണ് എൻ.ഡി.എ സഖ്യകക്ഷിയായ ബി.ഡി.ജെ.എസ് പാർട്ടിയുടെ നേതാവായ വെള്ളാപ്പള്ളി നടേശനൊപ്പം കൂടിക്കാഴ്ച നടത്തിയത്.

സി.കെ ജാനുവിന്‍റെ സ്ഥാനാർഥിത്വത്തെക്കുറിച്ചുളള വാർത്തകൾ പുറത്തു വന്നതിനു പിന്നാലെ ഗോത്രമഹാസഭയിലെ ഗീതാനന്ദൻ അടക്കമുളള നേതാക്കൾ പരസ്യവിമർശനവുമായി രംഗത്ത് വന്നിരുന്നു. സി.കെ ജാനുവിന് ആരുടെയും പിന്തുണ ഉണ്ടാകില്ലെന്നും ഒറ്റയ്ക്ക് മത്സരിക്കേണ്ടി വരുമെന്നാണ് ഗീതാനന്ദൻ പറഞ്ഞിരുന്നത്. കൂടാതെ മേധാ പട്കർ സി.കെ ജാനു ബിജെപി സ്ഥാനാർഥിയാകുന്ന കാര്യത്തിൽ എതിരായിരുന്നെന്നും സൂചനകളുണ്ട്.