റേഡിയോയിലൂടെ മുഖ്യമന്ത്രിയുടെ 100 ാം ദിന സന്ദേശം

തിരുവനന്തപുരം: കഴിഞ്ഞ നൂറു ദിവസം സർക്കാറിന് ജനങ്ങളില്‍ നിന്ന് ലഭിച്ച പിന്തുണ ഇനി മുന്നോട്ടും ഉണ്ടാകണമെന്ന് മുഖ്യമന്ത്രി പിണറായി വിജയന്‍ റേഡിയോ സന്ദേശത്തിലൂടെ പറഞ്ഞു. എൽ.ഡി.എഫ് സര്‍ക്കാറിന്‍റെ നൂറാം ദിനത്തിൽ റേഡിയോയിലൂടെ ജനങ്ങളെ അഭിസംബോധന ചെയ്യുകയായിരുന്നു ഇന്ന് രാവിലെ അദ്ദേഹം.

കുട്ടികള്‍ക്കിടയിലെ ലഹരി തടയാന്‍ കര്‍ശന നടപടികള്‍ സ്വീകരിക്കും.വിഷാംശമില്ലാത്ത പച്ചക്കറിയിലൂടെ ഭക്ഷ്യസ്വയം പര്യാപ്തത, സ്ത്രീസുരക്ഷ, വിലക്കയറ്റം തടയല്‍, തൊഴില്‍സാധ്യത സൃഷ്ടിക്കല്‍ എന്നിവക്കുള്ള പ്രവര്‍ത്തനം സര്‍ക്കാര്‍ തുടരും. കേരളത്തെ അഞ്ച് വര്‍ഷം കൊണ്ട് മാലിന്യ മുക്തമാക്കും.

തെക്കേ ഇന്ത്യയിലെ ആദ്യ പരസ്യവിസർജന വിമുക്ത സംസ്ഥാനമായി കേരളം മാറിയെന്നുള്ള പ്രഖ്യാപനം നവമ്പര്‍ ഒന്നിന് പ്രധാനമന്ത്രി നടത്തതക്ക രീതിയിലുള്ള ഒരുക്കങ്ങള്‍ നടക്കുന്നതായി പിണറായി വ്യക്തമാക്കി.
4500റോളം പട്ടികജാതി കുടുംബങ്ങൾക്കു ഭവനനിർമാണവും 10,000 പട്ടികജാതിക്കാർക്കു വിവാഹ ധനസഹായവും സർക്കാർ ലക്ഷ്യമിടുന്നു.

2017 ഏപ്രിലില്‍ കണ്ണൂർ വിമാനത്താവളം പ്രവർത്തനക്ഷമമാക്കും. എൽഎൻജി പൈപ്പ്‌ലൈൻ പദ്ധതി പൂർത്തിയാക്കി താപോർജത്തില്‍ അധിഷ്ഠിതമായ വ്യവസായങ്ങൾ ശക്തിപ്പെടുത്തും