മുഖ്യമന്ത്രി പിണറായി ലുലു കണ്ടു; അരമണിക്കൂ‍ർ കൊണ്ട്...

എറണാകുളം ഇടപ്പള്ളിയിലെ ലുലുമാൾ അരമണിക്കൂ‍‍ര്‍ കൊണ്ട് മുഖ്യമന്ത്രി പിണറായി വിജയൻ ചുറ്റികണ്ടു. ലുലു ഗ്രൂപ്പ് ചെയ‍ര്‍മാന്‍ എം.എ യൂസഫലിയുടെ ക്ഷണപ്രകാരമായിരുന്നു ഇത്. യൂസഫലി ഓടിച്ച ഇൻഡോർ വാഹനം ബഗ്ഗിയിലിരുന്നാണ് മുഖ്യമന്ത്രിയും സംഘവും ലുലു വീക്ഷിച്ചത്. മാളിൽ പുതുതായി ആരംഭിച്ച ദോഹ ബാങ്കിന്‍റെ കേരള ബ്രാഞ്ചിന്‍റെ ഉദ്ഘാടനത്തിനായി എത്തിയതായിരുന്നു അദ്ദേഹം.

മുഖ്യമന്ത്രിയെ വിവിധ ഷോറൂമുകളും ഗെയിം ഏരിയയും ഫുഡ്‍കോർട്ടും ഹൈപ്പ‍ർമാർക്കറ്റുമൊക്കെ യൂസഫലി കാണിച്ചു. ലുലു സന്ദർശനശേഷം മുഖ്യമന്ത്രിയും സംഘവും മാരിയറ്റ് ഹോട്ടലിലേക്ക് നീങ്ങി. മുഖ്യമന്ത്രിയെ യൂസഫലി ലുലുമാൾ കാണുന്നതിന് ക്ഷണിച്ചപ്പോൾ സമയം പ്രശ്നമാകുമെന്ന് പറയുകയായിരുന്നു. അപ്പോഴാണ് ബഗ്ഗിയിൽ അരമണിക്കൂ‍ർ കൊണ്ട് മാൾ കാണിക്കാമെന്ന് യൂസഫലി ഏറ്റത്.