ആപ്പ്ജില്ല

പ്രതിപക്ഷ ആരോപണങ്ങള്‍ക്ക് മറുപടിയുമായി മുഖ്യമന്ത്രി

പ്രതിപക്ഷ ആരോപണങ്ങള്‍ക്ക് അക്കമിട്ട് മറുപടി നിരത്തി മുഖ്യമന്ത്രി പിണറായി വിജയന്‍

Samayam Malayalam 22 Aug 2018, 9:35 pm
തിരുവനന്തപുരം: പ്രതിപക്ഷ ആരോപണങ്ങള്‍ക്ക് അക്കമിട്ട് മറുപടി നിരത്തി മുഖ്യമന്ത്രി പിണറായി വിജയന്‍. പ്രളയവുമായി ബന്ധപ്പെട്ട് ജനങ്ങള്‍ക്ക് മുന്നറിയിപ്പ് നല്‍കുന്നതില്‍ വീഴ്ചയുണ്ടായി എന്നതടക്കം പ്രതിപക്ഷ നേതാവ് രമേശ് ചെന്നിത്തല ഉന്നയിച്ച ആരോപണങ്ങള്‍ക്കാണ് മുഖ്യമന്ത്രി മറുപടി നല്‍കിയത്. രമേശ് ചെന്നിത്തല തന്നെ ഫേസ്ബുക്കില്‍ നല്‍കിയ മുന്നറിയിപ്പ് പോസ്റ്റുകള്‍ ഉള്‍പ്പെടെ ഉദ്ധരിച്ചായിരുന്നു മുഖ്യമന്ത്രിയുടെ മറുപടി.
Samayam Malayalam Malayalam-image


ഓരോ ഘട്ടത്തിലും സര്‍ക്കാര്‍ നല്‍കിയ മുന്നറിയിപ്പുകള്‍ ജനങ്ങളെ അറിയിച്ചുകൊണ്ടുള്ളതായിരുന്നു ചെന്നിത്തലയുടെ ഫേസ്ബുക്ക് പോസ്റ്റുകള്‍. ഇത്തരത്തില്‍ മുന്നറിയിപ്പ് നല്‍കി ഫേസ്ബുക്കില്‍ പോസ്റ്റിട്ട പ്രതിപക്ഷ നേതാവ് തന്നെ ഇത്തരം രാഷ്ട്രീയ ആരോപണങ്ങളുമായി വരുന്നത് അനൗചിത്യമാണെന്ന് മുഖ്യമന്ത്രി പറഞ്ഞു. ജില്ലാ ഭരണകൂടങ്ങള്‍ കൃത്യമായി മുന്നറിയിപ്പ് നല്‍കിയതായി പോസ്റ്റില്‍ ചെന്നിത്തല പറയുന്നതായും മുഖ്യമന്ത്രി ചൂണ്ടിക്കാട്ടി. രമേശ് ചെന്നിത്തലയുടെ ഫേസ്ബുക്ക് പോസ്റ്റ് വായിച്ചുകൊണ്ടായിരുന്നു മുഖ്യമന്ത്രിയുടെ മറുപടി.

തെറ്റിദ്ധാരണ പരത്താന്‍ കൂടിയാണ് പ്രതിപക്ഷ നേതാവ് ശ്രമിക്കുന്നതെന്ന് മുഖ്യമന്ത്രി കുറ്റപ്പെടുത്തി. ഒരു വര്‍ഷത്തെ മഴയുടെ അളവ് ഒരു സീസണിലെ മഴയുടെ അളവുമായി താരതമ്യപ്പെടുത്തിയാണ് ചില നുണകള്‍ പ്രചരിപ്പിക്കുന്നത്. ഇത് ശരിയല്ല. സംസ്ഥാനത്ത് 154 ശതമാനം മഴയാണ് ഇത്തവണ പെയ്തത്. ഡാമുകള്‍ തുറന്നുവിട്ടതുകൊണ്ടാണ് വെള്ളപ്പൊക്കമുണ്ടായതെന്ന വാദം തെറ്റാണെന്നും മുഖ്യമന്ത്രി വ്യക്തമാക്കി. കൃത്യമായി മുന്നറിയിപ്പ് നല്‍കിയിട്ട് തന്നെയാണ് ഡാമുകള്‍ തുറന്നിട്ടുള്ളതെന്നും മുഖ്യമന്ത്രി കൂട്ടിച്ചേര്‍ത്തു.

ആര്‍ട്ടിക്കിള്‍ ഷോ

ട്രെൻഡിങ്