ബിജെപി നിയമവ്യവസ്ഥയെ വെല്ലുവിളിക്കുന്നുവെന്ന് പിണറായി

തിരുവനന്തപുരം: ബിജെപിയും ആർഎസ്എസും രാജ്യത്തെ നിയമവ്യവസ്ഥയെ വെല്ലുവിളിക്കുന്നതായി മുഖ്യമന്ത്രി പിണറായി വിജ‍യൻ. ശബരിമലയുടെ പേരില്‍ നാടിന്‍റെ ക്രമസമാധാനനില തകർക്കാൻ ബോധപൂർവമായ ശ്രമമാണ് നടക്കുന്നതെന്നും മുഖ്യമന്ത്രി കുറ്റപ്പെടുത്തി.

സുപ്രീം കോടതി വിധി നടപ്പാക്കാൻ സംസ്ഥാന സർക്കാർ ബാധ്യസ്ഥരാണ്. ശബരിമലയിലെത്തുന്ന അയ്യപ്പഭക്തർക്ക് ആവശ്യമായ സുരക്ഷ ഒരുക്കും. നിയമം കയ്യിലെടുക്കാന്‍ ആരെയും അനുവദിക്കില്ലെന്നും അദ്ദേഹം വ്യക്തമാക്കി.