കരിപ്പൂര്‍ വിമാന ദുരന്ത പ്രദേശം സന്ദര്‍ശിച്ച മുഖ്യമന്ത്രി ഉള്‍പ്പെടെയുള്ളവര്‍ സ്വയം നിരീക്ഷണത്തില്‍

തിരുവനന്തപുരം: കരിപ്പൂര്‍ വിമാന ദുരന്ത പ്രദേശം സന്ദര്‍ശിച്ച മുഖ്യമന്ത്രി പിണറായി വിജയന്‍ ഉള്‍പ്പെടെ മന്ത്രിമാര്‍ സ്വയം നിരീക്ഷണത്തില്‍ പോകാന്‍ തീരുമാനിച്ചു. ഈ സാഹചര്യത്തില്‍ ഓഗസ്റ്റ് 15 ന് നടക്കുന്ന സ്വാതന്ത്ര്യ ദിന പരിപാടിയില്‍ തിരുവനന്തപുരത്ത് സഹകരണ ദേവസ്വം വകുപ്പ് മന്ത്രി കടകംപള്ളി സുരേന്ദ്രന്‍ ദേശീയ പതാക ഉയര്‍ത്തും. മറ്റ് ജില്ലകളിലും സമാനമായ ക്രമീകരണം വരുത്തും.

Also Read: രാജസ്ഥാനിൽ കരുത്തോടെ ഗെലോട്ട് സർക്കാർ; വിശ്വാസ വോട്ടെടുപ്പിൽ ജയം

മലപ്പുറം ജില്ലാ കളക്ടര്‍ക്ക് കൊവിഡ് സ്ഥിരീകരിച്ച സാഹചര്യത്തിലാണ് മുഖ്യമന്ത്രിയും മന്ത്രിമാരും നിരീക്ഷണത്തില്‍ പോകാന്‍ തീരുമാനിച്ചത്. കരിപ്പൂര്‍ വിമാനത്താവള സന്ദര്‍ശന സമയത്ത് മുഖ്യമന്ത്രിയ്‌ക്കൊപ്പം ജില്ലാ കളക്ടര്‍ എന്‍ ഗോപാലകൃഷ്ണനും പങ്കെടുത്തിരുന്നു. മലപ്പുറം കളക്ടര്‍ക്ക് കൊവിഡ് സ്ഥിരീകരിച്ച പശ്ചാത്തലത്തില്‍ മന്ത്രി എ സി മൊയ്തീനും സ്വയം നിരീക്ഷണത്തില്‍ പോകാന്‍ തീരുമാനിച്ചു. തനിക്കും കുടുംബത്തിനും ഗണ്‍മാനും നടത്തിയ ആന്‍റിജന്‍ പരിശോധനാ ഫലം നെഗറ്റീവാണെന്ന് അദ്ദേഹം പറഞ്ഞു.

മുഖ്യമന്ത്രി പിണറായി വിജയന്‍റെ ഫേസ്ബുക്ക് കുറിപ്പ്:

Also Read: ഡിജിപി ലോക്‌നാഥ് ബെഹ്‌റ സ്വയം നിരീക്ഷണത്തില്‍; സ്വാതന്ത്ര്യദിനാഘോഷ പരിപാടിയുടെ സമയം 15 മിനിറ്റായി വെട്ടിക്കുറച്ചു

മലപ്പുറം കലക്ടറുടെ പത്രസമ്മേളനത്തില്‍ പങ്കെടുത്തവരും കരിപ്പൂരില്‍ റിപ്പോര്‍ട്ടിംഗ് ഡ്യൂട്ടിയില്‍ ഉണ്ടായിരുന്നവരുമായ കാസര്‍കോട് ജില്ലയില്‍ നിന്നുള്ള മാധ്യമ പ്രവര്‍ത്തകര്‍ ജാഗ്രതയുടെ ഭാഗമായി സ്വയം ക്വാറന്റൈനില്‍ പ്രവേശിക്കണമെന്ന് ജില്ലാ ആരോഗ്യ വിഭാഗം നിര്‍ദേശിച്ചു.

Also Read: ചിതറി കിടക്കുന്ന ബാഗുകളും പുസ്തകങ്ങളും; പെട്ടിമുടിയില്‍ അനാഥരായത് 26 കുട്ടികള്‍

മലപ്പുറം കളക്ടര്‍, സബ്കളക്ടക്കും കളക്ട്രേറ്റിലെ 21 ഉദ്യോഗസ്ഥര്‍ക്കും ഇന്നാണ് കൊവിഡ് സ്ഥിരീകരിച്ചത്. കഴിഞ്ഞ ദിവസം മലപ്പുറം എസ് പി യു അബ്ദുള്‍ കരീമീനും രോഗം സ്ഥിരീകരിച്ചിരുന്നു. കെ കെ ശൈലജ, എ സി മൊയ്തീന്‍, ഇ ചന്ദ്രശേഖരന്‍ എന്നിവരും സ്വയം നിരീക്ഷണത്തില്‍ പോകും. ഇവരും മുഖ്യമന്ത്രിയ്‌ക്കൊപ്പം കരിപ്പൂര്‍ വിമാനത്താവളത്തില്‍ സന്ദര്‍ശനം നടത്തിയിരുന്നു.

Also Read: എങ്ങനെയാണ് പ്രശാന്ത് ഭൂഷണ്‍ രണ്ട് ട്വീറ്റുകളുടെ പേരില്‍ സുപ്രീംകോടതിയിൽ കുറ്റക്കാരനായത്?

അതേമസയം, മുഖ്യമന്ത്രിയ്‌ക്കൊപ്പം കരിപ്പൂര്‍ ദുരന്ത പ്രദേശം സന്ദര്‍ശിച്ച ഗവര്‍ണര്‍ ആരിഫ് മുഹമ്മദ് ഖാനും സ്പീക്കര്‍ പി ശ്രീരാമകൃഷ്ണനും ഉണ്ടായിരുന്നെങ്കിലും ഇവര്‍ നിരീക്ഷണത്തില്‍ പോകുന്ന കാര്യത്തില്‍ രാജ്ഭവനും സ്പീക്കറുടം ഓഫിസും ഇതുവരെ പ്രതികരിച്ചിട്ടില്ല. കൊവിഡ് സ്ഥിരീകരിച്ച മലപ്പുറം കളക്ടറുമായും എസ്പി യു അബ്ദുൾ കരീമുമായും സമ്പർക്കം ഉണ്ടായതിനേത്തുടർന്ന് മുൻകരുതലെന്ന നിലയില്‍ ഡിജിപി ഡിജിപി ലോക്നാഥ് ബെഹ്റ സ്വയം നിരീക്ഷണത്തിൽ പ്രവേശിച്ചു.