തിരുവനന്തപുരം: കേരളത്തെ താഴ്ത്തിക്കെട്ടിയുള്ള യുപി മുഖ്യമന്ത്രി യോഗി ആദിത്യനാഥിൻ്റെ പരാമര്ശത്തിന് നിയമസഭയിൽ മറുപടിയുമായി മുഖ്യമന്ത്രി. ഉത്തര് പ്രദേശിലെ നേതാക്കള് കേരളത്തിൻ്റെ നേട്ടം അംഗീകരിച്ചിട്ടുണ്ടെന്നും യോഗി ആദിത്യനാഥ് നടത്തിയത് രാഷ്ട്രീയ പരാമര്ശമായതിനാൽ ആ നിലയ്ക്ക് മറുപടി പറയുന്നില്ലെന്നുമായിരുന്നു മുഖ്യമന്ത്രിയുടെ പ്രതികരണം. നിയമസഭയിൽ ചോദ്യോത്തര വേളയിൽ സംസാരിക്കുമ്പോഴായിരുന്നു ഇക്കാര്യം മുഖ്യമന്ത്രി പറഞ്ഞത്. അഖിലേഷ് യാദവിനെപ്പോലുള്ള നേതാക്കള് കേരളത്തിൻ്റെ മികവ് അംഗീകരിച്ചിട്ടുണ്ടെന്നും അദ്ദേഹം വ്യക്തമാക്കി. എന്നാൽ രണ്ട് സംസ്ഥാനങ്ങളും തമ്മിലുള്ള താരതമ്യത്തിന് ഇപ്പോള് മുതിരുന്നില്ലെന്നും അദ്ദേഹം കൂട്ടിച്ചേര്ത്തു.
Also Read: യുക്രൈനിലെ കിഴക്കന് വിമത പ്രദേശങ്ങളെ സ്വതന്ത്ര രാജ്യങ്ങളായി അംഗീകരിച്ച് റഷ്യ
യുപിയിലെ ജനങ്ങള് ബിജെപിയ്ക്ക് വോട്ട് ചെയ്തിട്ടില്ലെങ്കിൽ യുപി കേരളം പോലെയാകുമെന്നായിരുന്നു തെരഞ്ഞെടുപ്പ് പ്രചാരണവേദിയിൽ യുപി മുഖ്യമന്ത്രി യോഗി ആദിത്യനാഥിൻ്റെ പ്രസ്താവന. ജനങ്ങള്ക്ക് കൈയ്യബദ്ധം പറ്റരുതെന്നും അദ്ദേഹം പറഞ്ഞു. എന്നാൽ എല്ലാ മാനവവികസന സൂചികകളിലും യുപിയെക്കാള് ഏറെ മുന്നിലാണ് കേരളമെന്നും ബിജെപി തോൽക്കുന്നതു കൊണ്ട് യുപി കേരളമാകുമെങ്കിൽ അത് നല്ലതാണെന്നും പ്രതികരിച്ച് അന്നു തന്നെ മുഖ്യമന്ത്രി രംഗത്തെത്തിയിരുന്നു.
Also Read: ഹരിദാസ് കൊലപാതകം: ആർഎസ്എസുകാർ പരിശീലന പരിപാടി നടത്തി; പങ്കെടുത്തത് 3000ത്തില് അധികം ആളുകൾ: സിപിഎം
ഇതിനിടെ കേരളത്തിൻ്റെ പുരോഗതി അംഗീകരിച്ച് സമാജ്വാദി പാര്ട്ടി അധ്യക്ഷനും യോഗി ആദിത്യനാഥിൻ്റെ എതിരാളിയുമായ അഖിലേഷ് യാദവ് രംഗത്തെത്തിയിരുന്നു. കേരളം യുപിയെക്കാള് ഏറെ മുന്നിലാണെന്നും ഇതൊന്നും യോഗി ആദിത്യനാഥിന് അറിയില്ലെന്നുമായിരുന്നു അദ്ദേഹം വ്യക്തമാക്കിയത്. ഇക്കാര്യമാണ് മുഖ്യമന്ത്രി പിണറായി വിജയൻ നിയമസഭയിൽ ചൂണ്ടിക്കാട്ടിയത്.
കണ്ണൂര് തലശ്ശേരിയിലെ സിപിഎം പ്രവര്ത്തകൻ്റെ കൊലപാതകം സംബന്ധിച്ചും മുഖ്യമന്ത്രി നിയമസഭയിൽ പ്രതികരിച്ചു. കണ്ണൂരിൽ നടന്നത് അതിക്രൂരമായ കൊലപാതകമാണെന്നും കണ്ണൂരിനെ കലാപ ഭൂമിയാക്കാനാണ് ചിലരുടെ ശ്രമമെന്നും മുഖ്യമന്ത്രി പറഞ്ഞു.
Also Read: യുക്രൈനിലെ കിഴക്കന് വിമത പ്രദേശങ്ങളെ സ്വതന്ത്ര രാജ്യങ്ങളായി അംഗീകരിച്ച് റഷ്യ
യുപിയിലെ ജനങ്ങള് ബിജെപിയ്ക്ക് വോട്ട് ചെയ്തിട്ടില്ലെങ്കിൽ യുപി കേരളം പോലെയാകുമെന്നായിരുന്നു തെരഞ്ഞെടുപ്പ് പ്രചാരണവേദിയിൽ യുപി മുഖ്യമന്ത്രി യോഗി ആദിത്യനാഥിൻ്റെ പ്രസ്താവന. ജനങ്ങള്ക്ക് കൈയ്യബദ്ധം പറ്റരുതെന്നും അദ്ദേഹം പറഞ്ഞു. എന്നാൽ എല്ലാ മാനവവികസന സൂചികകളിലും യുപിയെക്കാള് ഏറെ മുന്നിലാണ് കേരളമെന്നും ബിജെപി തോൽക്കുന്നതു കൊണ്ട് യുപി കേരളമാകുമെങ്കിൽ അത് നല്ലതാണെന്നും പ്രതികരിച്ച് അന്നു തന്നെ മുഖ്യമന്ത്രി രംഗത്തെത്തിയിരുന്നു.
Also Read: ഹരിദാസ് കൊലപാതകം: ആർഎസ്എസുകാർ പരിശീലന പരിപാടി നടത്തി; പങ്കെടുത്തത് 3000ത്തില് അധികം ആളുകൾ: സിപിഎം
ഇതിനിടെ കേരളത്തിൻ്റെ പുരോഗതി അംഗീകരിച്ച് സമാജ്വാദി പാര്ട്ടി അധ്യക്ഷനും യോഗി ആദിത്യനാഥിൻ്റെ എതിരാളിയുമായ അഖിലേഷ് യാദവ് രംഗത്തെത്തിയിരുന്നു. കേരളം യുപിയെക്കാള് ഏറെ മുന്നിലാണെന്നും ഇതൊന്നും യോഗി ആദിത്യനാഥിന് അറിയില്ലെന്നുമായിരുന്നു അദ്ദേഹം വ്യക്തമാക്കിയത്. ഇക്കാര്യമാണ് മുഖ്യമന്ത്രി പിണറായി വിജയൻ നിയമസഭയിൽ ചൂണ്ടിക്കാട്ടിയത്.
കണ്ണൂര് തലശ്ശേരിയിലെ സിപിഎം പ്രവര്ത്തകൻ്റെ കൊലപാതകം സംബന്ധിച്ചും മുഖ്യമന്ത്രി നിയമസഭയിൽ പ്രതികരിച്ചു. കണ്ണൂരിൽ നടന്നത് അതിക്രൂരമായ കൊലപാതകമാണെന്നും കണ്ണൂരിനെ കലാപ ഭൂമിയാക്കാനാണ് ചിലരുടെ ശ്രമമെന്നും മുഖ്യമന്ത്രി പറഞ്ഞു.