സ്‌കൂളുകളും കോളേജുകളും തുറക്കുന്നതെന്ന്? നിലപാട് വ്യക്തമാക്കി മുഖ്യമന്ത്രി

തിരുവനന്തപുരം: കൊവിഡ്-19 പ്രതിരോധ പ്രവർത്തനങ്ങളുടെ ഭാഗമായി അടച്ചിട്ടിരിക്കുന്ന സംസ്ഥാനത്തെ സ്‌കൂളുകളുകളും കോളേജുകളും ഉടൻ തുറക്കില്ലെന്ന് മുഖ്യമന്ത്രി പിണറായി വിജയൻ. ഇക്കാര്യത്തിൽ തിടുക്കത്തിൽ തീരുമാനം എടുക്കില്ല. വിദാഗ്‌ധരുമായി ചേർന്ന് ആവശ്യമായ ചർച്ചകൾ നടത്തിയ ശേഷമേ തീരുമാനം എടുക്കൂവെന്ന് മുഖ്യമന്ത്രി പറഞ്ഞു.

Also read: സ്ഥിരം യാത്രക്കാരനാണോ, ഇനി KSRTC ഓർഡിനറി ബസിൽ സീറ്റ് റിസർവ് ചെയ്യാം!

കൊവിഡ് അവലോകന യോഗത്തിന് ശേഷം നടന്ന പത്രസമ്മേളനത്തിൽ സംസാരിക്കുന്നതിനിടെയാണ് സ്‌കൂളുകളുകളും കോളേജുകളും തുറന്ന് പ്രവർത്തിക്കുന്ന കാര്യത്തിൽ മുഖ്യമന്ത്രി നിലപാട് വ്യക്തമാക്കിയത്. പ്രതികരിക്കുകയായിരുന്നു മുഖ്യമന്ത്രി.

പൊതു പരീക്ഷവഴി മൂല്യനിർണയം നടത്തുന്ന ഉയർന്ന ക്ലാസുകളിലെ വിദ്യാർഥികൾക്കായി സ്‌കൂളുകളും കോളേജുകളും തുറക്കുന്ന കാര്യം പരിഗണനയിലുണ്ട്. എന്നാൽ ചെറിയ ക്ലാസുകളിലെ വിദ്യാർഥികളുടെ കാര്യത്തിൽ ഇന്നത്തെ അവസ്ഥയിൽ ക്ലാസുകൾ തുടങ്ങുക എന്നതും സ്‌കൂളിൽ പോയി പഠിക്കുക എന്നതും എത്രകണ്ട് പ്രായോഗികം ആണെന്ന കാര്യത്തിൽ സംശയമുണ്ടെന്നും മുഖ്യമന്ത്രി വ്യക്തമാക്കി.

കൊവിഡ് കേസുകൾ കുറയുന്ന സാഹചര്യം തുടർന്നാൽ ഉയർന്ന ക്ലാസുകളിലെ വിദ്യാർഥികൾക്ക് വേണ്ടി ഉന്നത വിദ്യാഭ്യാസ മേഖലയിലെ സ്ഥാപനങ്ങൾ കൃത്യമായ പരിശോധനയ്‌ക്ക് ശേഷം തുറക്കുന്ന കാര്യവും അവര്‍ക്ക് മുന്‍കരുതല്‍ സ്വീകരിച്ച് ക്ലാസുകളില്‍ പങ്കെടുക്കാനുള്ള സാഹചര്യമുണ്ടോ എന്നും പരിശോധിക്കുമെന്നും അദ്ദേഹം പറഞ്ഞു.

Also read: ട്യൂഷന്‍ സെന്ററുകളും നൃത്തവിദ്യാലയങ്ങളും തുറക്കാം; കൊവിഡ് നിയന്ത്രണങ്ങള്‍ക്ക് കൂടുതൽ ഇളവുകള്‍ പ്രഖ്യാപിച്ച് സംസ്ഥാന സര്‍ക്കാര്‍

രോഗമുക്തിയുണ്ടായപ്പോൾ 24 മരണങ്ങൾ കൂടി റിപ്പോർട്ട് ചെയ്‌തു. ഇതോടെ സംസ്ഥാനത്തെ ആകെ കൊവിഡ് മരണം 2095 ആയി. 4693 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 592 പേരുടെ സമ്പര്‍ക്ക ഉറവിടം വ്യക്തമല്ല. വിവിധ ജില്ലകളിലായി 3,14,752 പേരാണ് ഇപ്പോള്‍ നിരീക്ഷണത്തിലുള്ളത്. 64,412 പേരാണ് രോഗം സ്ഥിരീകരിച്ച് ഇനി ചികിത്സയിലുള്ളത്. 5,05,238 പേര്‍ ഇതുവരെ കൊവിഡില്‍ നിന്നും മുക്തി നേടി.