തിരുവനന്തപുരം: അമേരിക്കയിലെ ചികിത്സ കഴിഞ്ഞ് മുഖ്യമന്ത്രി പിണറായി വിജയൻ കേരളത്തിൽ തിരിച്ചെത്തി. ഭാര്യ കമലയ്ക്കൊപ്പം പുലർച്ചെ 3.30ന് ദുബായിൽ നിന്നുള്ള എമിറേറ്റ്സ് ഫ്ലൈറ്റിലാണ് മുഖ്യമന്ത്രി മടങ്ങിയെത്തിയത്. യുഎസിലെ മിനിസോട്ടയിലെ മയോ ക്ലിനിക്കിലെ പതിനെട്ട് ദിവസത്തെ ചികിത്സയ്ക്ക് ശേഷം സംസ്ഥാനത്ത് എത്തിയ മുഖ്യമന്തിയെ ഡിജിപി അടക്കമുള്ള മുതിർന്ന ഉദ്യോഗസ്ഥർ ചേർന്ന് സ്വീകരിച്ചു.
ഏപ്രിൽ 24നാണ് മുഖ്യമന്തി അമേരിക്കയിലേക്ക് പോയത്. ഭാര്യ കമല, പഴ്സനൽ അസിസ്റ്റൻ്റ് വി എം സുനീഷ് എന്നിവർ മുഖ്യമന്ത്രിയെ അനുഗമിച്ചിരുന്നു. കഴിഞ്ഞ ജനുവരിയിൽ യുഎസിൽ ചികിത്സയ്ക്ക് പോയപ്പോൾ തുടർചികിത്സ വേണമെന്ന നിർദേശം ലഭിച്ചിരുന്നുവെങ്കിലും സിപിഎം പാർട്ടി കോൺഗ്രസ് ഉൾപ്പെടെയുള്ള തിരക്കുകൾ മൂലം വൈകുകയായിരുന്നു.
ചികിത്സയിലിരിക്കെ ഓൺലൈനായി മന്ത്രിസഭാ യോഗത്തിൽ മുഖ്യമന്ത്രി പങ്കെടുത്തിരുന്നു. സംസ്ഥാനത്ത് മടങ്ങിയെത്തിയ മുഖ്യമന്ത്രി തൃക്കാക്കര ഉപതെരഞ്ഞെടുപ്പ് പ്രചാരണങ്ങളിൽ സജീവമാകും. 12ന് നടക്കുന്ന ഇടതുമുന്നണി കൺ വെൻഷനിൽ മുഖ്യമന്ത്രി പങ്കെടുക്കും. തൃക്കാക്കര ഉപതെരഞ്ഞെടുപ്പിന് ദിവസങ്ങൾ മാത്രം അവശേഷിക്കെ പ്രചാരണങ്ങളിൽ വേഗത്തിലാക്കാൻ മുഖ്യമന്ത്രി എത്തും.
മണ്ഡലത്തിലെ യുഡിഎഫ് സ്ഥാനാർഥി ഉമ തോമസും എൽഡിഎഫ് സ്ഥാനാർഥി ഡോ. ജോ ജോസഫും കഴിഞ്ഞ ദിവസം നാമനിർദേശ പത്രിക സമർപ്പിച്ചു. കാക്കനാട് കളക്ടറേറ്റിൽ എത്തിയാണ് ഇരുവരും പത്രിക സമർപ്പിച്ചത്. എൽഡിഎഫ് കക്ഷി നേതാക്കൾക്ക് ഒപ്പം എത്തിയാണ് ജോ ജോസഫ് പത്രിക സമർപ്പിച്ചത്. ഈ മാസം 31നാണ് തൃക്കാക്കരയിൽ ഉപതെരഞ്ഞെടുപ്പ് നടക്കുന്നത്.
ഏപ്രിൽ 24നാണ് മുഖ്യമന്തി അമേരിക്കയിലേക്ക് പോയത്. ഭാര്യ കമല, പഴ്സനൽ അസിസ്റ്റൻ്റ് വി എം സുനീഷ് എന്നിവർ മുഖ്യമന്ത്രിയെ അനുഗമിച്ചിരുന്നു. കഴിഞ്ഞ ജനുവരിയിൽ യുഎസിൽ ചികിത്സയ്ക്ക് പോയപ്പോൾ തുടർചികിത്സ വേണമെന്ന നിർദേശം ലഭിച്ചിരുന്നുവെങ്കിലും സിപിഎം പാർട്ടി കോൺഗ്രസ് ഉൾപ്പെടെയുള്ള തിരക്കുകൾ മൂലം വൈകുകയായിരുന്നു.
ചികിത്സയിലിരിക്കെ ഓൺലൈനായി മന്ത്രിസഭാ യോഗത്തിൽ മുഖ്യമന്ത്രി പങ്കെടുത്തിരുന്നു. സംസ്ഥാനത്ത് മടങ്ങിയെത്തിയ മുഖ്യമന്ത്രി തൃക്കാക്കര ഉപതെരഞ്ഞെടുപ്പ് പ്രചാരണങ്ങളിൽ സജീവമാകും. 12ന് നടക്കുന്ന ഇടതുമുന്നണി കൺ വെൻഷനിൽ മുഖ്യമന്ത്രി പങ്കെടുക്കും. തൃക്കാക്കര ഉപതെരഞ്ഞെടുപ്പിന് ദിവസങ്ങൾ മാത്രം അവശേഷിക്കെ പ്രചാരണങ്ങളിൽ വേഗത്തിലാക്കാൻ മുഖ്യമന്ത്രി എത്തും.
മണ്ഡലത്തിലെ യുഡിഎഫ് സ്ഥാനാർഥി ഉമ തോമസും എൽഡിഎഫ് സ്ഥാനാർഥി ഡോ. ജോ ജോസഫും കഴിഞ്ഞ ദിവസം നാമനിർദേശ പത്രിക സമർപ്പിച്ചു. കാക്കനാട് കളക്ടറേറ്റിൽ എത്തിയാണ് ഇരുവരും പത്രിക സമർപ്പിച്ചത്. എൽഡിഎഫ് കക്ഷി നേതാക്കൾക്ക് ഒപ്പം എത്തിയാണ് ജോ ജോസഫ് പത്രിക സമർപ്പിച്ചത്. ഈ മാസം 31നാണ് തൃക്കാക്കരയിൽ ഉപതെരഞ്ഞെടുപ്പ് നടക്കുന്നത്.