'പ്രളയം: നഷ്ടം സംസ്ഥാന വാര്‍ഷിക പദ്ധതി തുകയെക്കാള്‍ വലുത്'

തിരുവനന്തപുരം: പ്രളയക്കെടുതിയിൽ സഹായിച്ച എല്ലാവര്‍ക്കും നിയമസഭയിൽ നന്ദി അറിയിച്ച് മുഖ്യമന്ത്രി. പ്രളയമുണ്ടാക്കിയ നഷ്ടം സംസ്ഥാനത്തിന്‍റെ വാര്‍ഷിക പദ്ധതി തുകയെക്കാള്‍ വലുതാണെന്ന് മുഖ്യമന്ത്രി സഭയെ അറിയിച്ചു.

കര്‍ഷകരും ചെറുകിടവ്യാപാരികളും വ്യവസായികളും അടങ്ങുന്ന കേരളത്തിന്‍റെ സമ്പദ്‍‍വ്യവസ്ഥയ്ക്ക് ഭീമമായ നഷ്ടമുണ്ടായെന്നും വായ്പകളുടെ പുനഃക്രമീകരണം കൊണ്ട് മാത്രം പുനര്‍നിര്‍മാണം സാധ്യമാകില്ലെന്നും മുഖ്യമന്ത്രി പറഞ്ഞു.സംസ്ഥാനത്തിന് കണക്കുകൂട്ടിയതിലും അധികം നഷ്ടമാണ് ഉണ്ടായത്. സാലറി ചലഞ്ചിന് വലിയ പിന്തുണയാണ് ലഭിക്കുന്നതെന്ന് മുഖ്യമന്ത്രി പറഞ്ഞു.

മഴക്കെടുതിയിൽ സംസ്ഥാനത്ത് 483 പേരാണ് മരിച്ചത്. 14 പേരെ കാണാതായി. 59296 പേര്‍ വിവിധ ദുരിതാശ്വാസക്യാംപുകളിൽ കഴിയുന്നുണ്ടെന്നും മുഖ്യമന്ത്രി അറിയിച്ചു.