Cochin International Airport New Terminal Inauguration
നെടുമ്പാശ്ശേരിയിൽ പുതിയ ടെർ‍മിനൽ ഉദ്ഘാടനം ഇന്ന്
മൂന്നു വന്‍കിട പദ്ധതികള്‍ ഒരേദിവസം ഉദ്ഘാടനം ചെയ്യാന്‍ കൊച്ചി രാജ്യാന്തര
TNN10 Mar 2017, 11:23 pm
നെടുമ്പാശ്ശേരി: മൂന്നു വന്‍കിട പദ്ധതികള്‍ ഒരേദിവസം ഉദ്ഘാടനം ചെയ്യാന്‍ കൊച്ചി രാജ്യാന്തര വിമാനത്താവള കമ്പനി ഒരുങ്ങുന്നു. പുതിയ അന്താരാഷ്ട്ര ടെര്‍മിനല്‍ ടി3 പ്രവര്‍ത്തനം, നാലുവരിപ്പാതയും മേല്‍പ്പാലവും ഗതാഗതത്തിന് തുറന്നുകൊടുക്കല്‍, സൗരോര്‍ജ വൈദ്യുതോല്‍പ്പാദനശേഷി വര്‍ധിപ്പിക്കലിന്റെ ഒന്നാംഘട്ടം എന്നീ സംരംഭങ്ങള്‍ ശനിയാഴ്ച വൈകീട്ട് നാലിന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും.
Samayam Malayalamനെടുമ്പാശ്ശേരിയിൽ പുതിയ ടെർ‍മിനൽ ഉദ്ഘാടനം ഇന്ന്
ടി3 ഡിപാര്‍ച്ചര്‍ ലോഞ്ചിലാണ് ഉദ്ഘാടനച്ചടങ്ങ്. തറക്കല്ലിട്ട് മൂന്നുവര്‍ഷം കൊണ്ട് 15 ലക്ഷം ചതുരശ്രയടി വിസ്തീര്‍ണമുള്ള എയര്‍പോര്‍ട്ട് ടെര്‍മിനലാണ് സിയാല്‍ പൂര്‍ത്തിയാക്കിയത്. കേരളത്തിന്റെ തനത് വാസ്തുഭംഗിയും അന്താരാഷ്ട്രനിലവാരത്തിലെ വിമാനത്താവള സജ്ജീകരണങ്ങളും കോര്‍ത്തിണക്കിക്കൊണ്ടാണ് ടി3 നിര്‍മാണം പൂര്‍ത്തിയായത്. കുറഞ്ഞ ചെലവില്‍ ഗുണനിലവാരത്തില്‍ വിട്ടുവീഴ്ചയില്ലാതെ ടെര്‍മിനല്‍ നിര്‍മാണം പൂര്‍ത്തിയാക്കിയതിന് എയര്‍പോര്‍ട്ട് ഇക്കണോമിക് റഗുലേറ്ററി അതോറിറ്റിയുടെ അംഗീകാരം സിയാലിന് ലഭിച്ചിട്ടുണ്ട്.
850 കോടി രൂപ മുടക്കിയാണ് സിയാല്‍ ടി3 പണികഴിപ്പിച്ചത്. വിമാനത്താവള ഓപറേഷന് വേണ്ട അടിസ്ഥാന സൗകര്യങ്ങള്‍ ഒരുക്കാനാണ് മേല്‍പ്പറഞ്ഞ 850 കോടി രൂപയില്‍ 213 കോടി രൂപ ചെലവിട്ടത്. കേന്ദ്രീകൃത എയര്‍കണ്ടീഷനിങ്, എസ്‌കലേറ്റര്‍, എലിവേറ്റര്‍, മൂവിങ് വാക്‌വേ ഉള്‍പ്പെടെ 15 ലക്ഷം ചതുരശ്രയടി വിസ്തീര്‍ണമുള്ള ടെര്‍മിനല്‍ നിര്‍മാണത്തിന് 637 കോടി രൂപ മാത്രമാണ് ചെലവിട്ടത്. നിര്‍മാണച്ചെലവ് ചതുരശ്രയടിക്ക് 4250 രൂപ. ടി3ക്കായി 25 ലക്ഷം ചതുരശ്രയടി വിസ്തീര്‍ണമുള്ള ഏപ്രണ്‍ നിര്‍മാണജോലികള്‍ നേരത്തേ തന്നെ പൂര്‍ത്തിയായിരുന്നു.
175 കോടി ചെലവിട്ടാണ് ഏപ്രണ്‍ പണികഴിപ്പിച്ചത്. ദേശീയപാതയില്‍ അത്താണിയില്‍ നിന്ന് വിമാനത്താവളം വരെ പണികഴിപ്പിച്ച നാലുവരിപ്പാതയും അതിന്റെ ഭാഗമായ മേല്‍പ്പാലവുമാണ് ശനിയാഴ്ച ഉദ്ഘാടനം ചെയ്യുന്ന രണ്ടാമത്തെ പദ്ധതി. നാലുവരിപ്പാത 4.3 കിലോമീറ്ററും മേല്‍പ്പാലത്തിന് 686 മീറ്ററുമാണ് നീളം. മൊത്തം 98 കോടി രൂപ മുതല്‍മുടക്കിലാണ് സിയാല്‍ നാലുവരിപ്പാതയും മേല്‍പ്പാലവും പണികഴിപ്പിച്ചിട്ടുള്ളത്. സൗരോര്‍ജ വൈദ്യുതോല്‍പ്പാദനശേഷി വര്‍ധിപ്പിക്കലാണ് മൂന്നാമത്തെ സംരംഭം. നിലവില്‍ സിയാലിന്റെ വിവിധ സൗരോര്‍ജ പാനലുകളുടെ മൊത്തം സ്ഥാപിതശേഷി1.5 മെഗാവാട്ടാണ്. ഇത്21.5 മെഗാവാട്ടായി ഉയര്‍ത്താനാണ് ഒന്നാംഘട്ട വികസനത്തില്‍ ലക്ഷ്യമിടുന്നത്.
Cochin International Airport new Terminal Inauguration Cochin International Airport New Terminal 3 CIAL T3 to Be Opened to Public on march 11.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
