പാനൂരിൽ നിന്ന് കാണാതായ വിദ്യാർഥിനികള് ലോഡ്ജിൽ
രക്ഷിതാക്കള് നൽകിയ പരാതിയുടെ അടിസ്ഥാനത്തിലാണ് പോലീസ് അന്വേഷണം ആരംഭിച്ചിരുന്നത്
Samayam Malayalam 24 Nov 2018, 10:34 pm
![case case](https://malayalam.samayam.com/thumb/66788505/case-66788505.jpg?imgsize=152770&width=380&height=214&resizemode=75)
കണ്ണൂര്: പാനൂരിൽ നിന്ന് കുറച്ച് ദിവസങ്ങള്ക്ക് മുമ്പ് കാണാതായ രണ്ട് വിദ്യാർഥിനികളെ തിരൂരിലെ ലോഡ്ജിൽ നിന്ന് പോലീസ് കണ്ടെത്തി. സൈന, ദൃശ്യ എന്നീ കുട്ടികളെയാണ് ലോഡ്ജിൽ നിന്ന് കണ്ടെത്തിയത്. ആറ് ദിവസങ്ങള്ക്ക് മുമ്പാണ് ഇവരെ കാണാതായിരുന്നത്. ഇവരുടെ രക്ഷിതാക്കള് നൽകിയ പരാതിയുടെ അടിസ്ഥാനത്തിലാണ് പോലീസ് അന്വേഷണം ആരംഭിച്ചിരുന്നത്.
മൊബൈൽ ഫോൺ സിഗ്നൽ പിന്തുടര്ന്ന് നടത്തിയ അന്വേഷണത്തിൽ കണ്ണൂര് റയിൽവേ സ്റ്റേഷനിൽ വച്ചാണ് ഇവരുടെ മൊബൈൽ അവസാനം സ്വിച്ച് ഓഫ് ആയതെന്ന് പോലീസ് കണ്ടെത്തി. പിന്നീട് ഇവരുടെ നമ്പര് ട്രാക്ക് ചെയ്യാൻ ശ്രമിച്ചെങ്കിലും ഫോൺ ശേഷം ഓൺ ചെയ്തിരുന്നില്ലെന്ന് കണ്ടെത്തുകയായിരുന്നു. ഇതോടെ അയൽ സംസ്ഥാനങ്ങളിലേക്കുള്പ്പെടെ പോലീസ് അന്വേഷണം വ്യാപിപ്പിച്ചിരുന്നു.
അതിനിടെ തിരൂരിൽ ഒരു ഹോട്ടലില് നിന്ന് പോലീസിന് ലഭിച്ച സി.സി.ടി.വി ദൃശ്യങ്ങളില് ഇവരോട് സാദൃശ്യമുള്ള രണ്ട് പെൺകുട്ടികളെ കണ്ടു. ഇതോടെ പോലീസ് ഈ മേഖല കേന്ദ്രീകരിച്ചുള്ള അന്വേ ഷണത്തിലായിരുന്നു. ഇവരെ കണ്ടെത്തുന്നതിനായി പോലീസ് പത്രങ്ങളിലുള്പ്പെടെ ചിത്രങ്ങള് നൽകിയിരുന്നു. ഇവർ താമസിച്ചിരുന്ന ലോഡ്ജിലെ ജീവനക്കാരാണ് പോലീസിൽ വിവരം അറിയിച്ചത്. ഇതോടെ പോലീസ് അവിടെ എത്തുകയായിരുന്നു. പോലീസിന്റെ അനുനയ ശ്രമങ്ങളെ തുടര്ന്ന് വീട്ടിലേക്ക് തിരിച്ചുവരാന് കുട്ടികള് സന്നദ്ധത അറിയിച്ചതായാണ് വിവരം.
പത്താം ക്ലാസ് മുതല് ഇവര് ഒരുമിച്ചാണ് പഠിച്ചിരുന്നത്. അതിനാൽ തന്നെ ഉറ്റ സുഹൃത്തുക്കളുമായിരുന്നു. ഇപ്പോള് ഒരുമിച്ച് പാനൂരില് ലാബ് ടെക്നീഷ്യന് കോഴ്സ് പഠിക്കുകയുമാണ്. ഇതിനിടെ ദൃശ്യയുടെ വിവാഹം ഉറപ്പിച്ചു. ഇതോടെ ഇരുവരും കൂടി നാടുവിടാൻ തീരുമാനിക്കുകയായിരുന്നുവെന്നാണ് ചോദ്യം ചെയ്യലിൽ ഇവർ പോലീസിനോട് പറഞ്ഞിരിക്കുന്നത്.
മൊബൈൽ ഫോൺ സിഗ്നൽ പിന്തുടര്ന്ന് നടത്തിയ അന്വേഷണത്തിൽ കണ്ണൂര് റയിൽവേ സ്റ്റേഷനിൽ വച്ചാണ് ഇവരുടെ മൊബൈൽ അവസാനം സ്വിച്ച് ഓഫ് ആയതെന്ന് പോലീസ് കണ്ടെത്തി. പിന്നീട് ഇവരുടെ നമ്പര് ട്രാക്ക് ചെയ്യാൻ ശ്രമിച്ചെങ്കിലും ഫോൺ ശേഷം ഓൺ ചെയ്തിരുന്നില്ലെന്ന് കണ്ടെത്തുകയായിരുന്നു. ഇതോടെ അയൽ സംസ്ഥാനങ്ങളിലേക്കുള്പ്പെടെ പോലീസ് അന്വേഷണം വ്യാപിപ്പിച്ചിരുന്നു.
പത്താം ക്ലാസ് മുതല് ഇവര് ഒരുമിച്ചാണ് പഠിച്ചിരുന്നത്. അതിനാൽ തന്നെ ഉറ്റ സുഹൃത്തുക്കളുമായിരുന്നു. ഇപ്പോള് ഒരുമിച്ച് പാനൂരില് ലാബ് ടെക്നീഷ്യന് കോഴ്സ് പഠിക്കുകയുമാണ്. ഇതിനിടെ ദൃശ്യയുടെ വിവാഹം ഉറപ്പിച്ചു. ഇതോടെ ഇരുവരും കൂടി നാടുവിടാൻ തീരുമാനിക്കുകയായിരുന്നുവെന്നാണ് ചോദ്യം ചെയ്യലിൽ ഇവർ പോലീസിനോട് പറഞ്ഞിരിക്കുന്നത്.