എംജി സര്‍വ്വകലാശാലയിലെ കോളേജ് യൂണിയന്‍ തെരഞ്ഞെടുപ്പുകള്‍ മാറ്റി

കോട്ടയം: മഹാത്മാ ഗാന്ധി സര്‍വ്വകലാശാലയ്ക്ക് കീഴിലെ വിവിധ കോളേജുകളില്‍ നടത്താനിരുന്ന യൂണിയന്‍ തെരഞ്ഞെടുപ്പുകള്‍ മാറ്റിവെച്ചു. സംസ്ഥാനത്ത് മഴയും വെള്ളപ്പൊക്കവും രൂക്ഷമായതിനെ തുടര്‍ന്നാണ് തീരുമാനം.

വ്യാഴാഴ്ചയാണ് സര്‍വ്വകലാശാലയ്ക്ക് കീഴിലുള്ള അഫിലിയേറ്റഡ് കോളേജുകളില്‍ യൂണിയന്‍ തെരഞ്ഞെടുപ്പ് നടത്താന്‍ നിശ്ചയിച്ചിരുന്നത്. എന്നാല്‍ കനത്ത മഴയും വെള്ളപ്പൊക്കവും കണക്കിലെടത്ത് തെരഞ്ഞെടുപ്പും വോട്ടെണ്ണലും മാറ്റിവെക്കുന്നതായി സര്‍വ്വകലാശാല അറിയിക്കുകയായിരുന്നു.തെരഞ്ഞെടുപ്പിന്‍റെ പുതുക്കിയ തീയ്യതി പിന്നീട് അറിയിക്കുമെന്നും അധികൃതര്‍ വ്യക്തമാക്കി.