മത്സ്യ തൊഴിലാളികള്‍ക്ക് നഷ്ടപരിഹാരം നല്‍കുമെന്ന് മുഖ്യമന്ത്രി

തിരുവനന്തപുരം: പ്രളയ ബാധിത പ്രദേശങ്ങളിൽ രക്ഷാപ്രവർത്തനത്തിന് എത്തി ബോട്ടുകൾ കേടായ മത്സ്യ തൊഴിലാളികൾക്ക് നഷ്ടപരിഹാരം നൽകുമെന്ന് മുഖ്യമന്ത്രി. ഓരോ ബോട്ടിനും 3,000 രൂപ വീതം നൽകുമെന്നാണ് മുഖ്യമന്ത്രി അറിയിച്ചിരിക്കുന്നത്. മാത്രമല്ല ബോട്ടുകൾ അവരവരുടെ നാട്ടിലേക്ക് തിരിച്ചെത്തിക്കാനുള്ള സൗകര്യവും ഇതോടൊപ്പം ഒരുക്കുന്നതായിരിക്കും.

ഒഴുക്കിൽപ്പെട്ടും വഴിതെറ്റിയും പലയിടങ്ങളിൽ ബോട്ടുകൾ ഇടിച്ച് കേടുപാടുകൾ സംഭവിച്ചതായി നേരത്തെ റിപ്പോർട്ടുകൾ ഉണ്ടായിരുന്നു. ആ പശ്ചാത്തലത്തിലാണ് മുഖ്യമന്ത്രി നഷ്ടപരിഹാരം വാഗ്ദാനം ചെയ്തിരിക്കുന്നത്. രക്ഷാപ്രവർത്തനങ്ങളിൽ പങ്കാളികളായ മത്സ്യ തൊഴിലാളികൾക്ക് നന്ദിയും അഭിനന്ദവും അറിയിക്കുന്നതിനോടൊപ്പം തിരിച്ച് നാട്ടിലെത്തുമ്പോൾ അവർക്ക് വൻ സ്വീകരണം ഒരുക്കുമെന്നും മുഖ്യമന്ത്രി അറിയിച്ചു.