കുറ്റാരോപിതർ മത്സരിച്ചാൽ താനും മത്സരിക്കുമെന്ന് പരാതിക്കാരി

തിരുവനന്തപുരം: സോളാർ കേസുമായി ബന്ധപ്പെട്ട് ആരോപണ വിധേയരായ കോൺഗ്രസ് എംഎൽഎമാർ മത്സരിച്ചാൽ താൻ മത്സരിക്കുമെന്ന് വ്യക്തമാക്കി പരാതിക്കാരി. ഏതെങ്കിലും മണ്ഡലത്തിൽ നിന്ന് എംഎൽഎമാർക്കെതിരെയുള്ള തെളിവുകളുമായി താൻ മത്സരരംഗത്തുണ്ടാകുമെന്ന് അവർ വെളിപ്പെടുത്തി.

സോളാർ കമ്പനി തുടങ്ങാൻ സഹായിക്കാമെന്ന് പറഞ്ഞ് പരാതിക്കാരിയെ ശാരീരികമായി എംഎൽഎമാർ അടക്കമുള്ളവർ ഉപദ്രവിച്ചെന്നാണ് കേസ്. അടൂർ പ്രകാശ്, ഹൈബി ഈഡൻ, എ പി അനികുമാർ എന്നിവരാണ് ആരോപണവിധേയരായ എംഎൽഎമാർ.

മൂവരെയും വിവിധ മണ്ഡലങ്ങളിലേക്ക് കോൺഗ്രസ് നേതൃത്വം പരിഗണിക്കുന്നു എന്ന സൂചനയെ തുടർന്നാണ് പരാതിക്കാരിയുടെ വെളിപ്പെടുത്തൽ. എ പി അനികുമാറിനെതിരെ സ്ത്രീത്വത്തെ അപമാനിക്കൽ, പ്രകൃതി വിരുദ്ധ പീഡനം എന്നിവ ചുമത്തിയിട്ടുണ്ട്. ഹൈബി ഈഡനെതിരെ ബലാത്സംഗക്കേസാണ് ഉള്ളത്. അടൂർ പ്രകാശ് എംഎൽഎക്കെതിരെയും സ്ത്രീത്വത്തെ അപമാനിക്കൽ പ്രകൃതി വിരുദ്ധ പീഡനം എന്നീ വകുപ്പുകൾ ചുമത്തിയിട്ടുണ്ട്.