കോഴിക്കോട്: കോഴിക്കോട് യുഡിഎഫ് സ്ഥാനാർഥി എം.കെ രാഘവനെതിരെ ഡിവൈഎഫ്ഐ പരാതി നൽകി. കേന്ദ്ര തെരഞ്ഞെടുപ്പ് കമ്മീഷന് കോഴിക്കോട് പാർലമെന്റ് മണ്ഡലം കമ്മിറ്റി കൺവീനറും ഡിവൈഎഫ്ഐ നേതാവുമായ പി.എ മുഹമ്മദ് റിയാസ് ആണ് പരാതി നൽകിയത്. ഹിന്ദി ചാനലായ ടിവി 9 പുറത്ത് വിട്ട എം.കെ രാഘവൻ നടത്താൻ ശ്രമിച്ച ഭൂമിയിടപാടിലെ അഴിമതിയുടെ പശ്ചാത്തലത്തിലാണ് റിയാസ് പ്രതി നൽകിയത്. തെരഞ്ഞെടുപ്പ് ചട്ടങ്ങളും നിയമങ്ങളും എം കെ രാഘവൻ ലംഘിച്ചതും അദ്ദേഹത്തിന്റെ പണമിടപാടുകളും അന്വേഷിക്കണമെന്ന് റിയാസ് പരാതിയിൽ ആവശ്യപ്പെട്ടു. എം.കെ രാഘവനെതിരെ നിയമനടപടി കൈക്കൊള്ളണമെന്നും റിയാസ് ചൂണ്ടിക്കാട്ടി.
2014ലെ തെരഞ്ഞെടുപ്പിൽ എം.കെ രാഘവൻ മത്സരിച്ചപ്പോൾ 53 ലക്ഷം രൂപ ചെലവായെന്നാണ് ഇത്തവണത്തെ നാമനിർദേശ പത്രികയിൽ പറഞ്ഞിരിക്കുന്നത്. എന്നാൽ, ടി വി 9 ചാനലിനോട് 20 കോടി രൂപ ചെലവായെന്ന് എം.കെ രാഘവൻ പറയുന്നു. ഇതിനിടെ, തനിക്കെതിരെ ഉയർന്ന ആരോപണം സിപിഎം കെട്ടിച്ചമച്ചതാണെന്ന് എം.കെ രാഘവൻ ആരോപിച്ചു. ചാനലിൽ കേൾപ്പിച്ചത് തന്റെ ശ്ബ്ദാമല്ല എന്നും എം.കെ രാഘവനും യുഡിഎഫ് നേതാക്കളും പറഞ്ഞു.
2014ലെ തെരഞ്ഞെടുപ്പിൽ എം.കെ രാഘവൻ മത്സരിച്ചപ്പോൾ 53 ലക്ഷം രൂപ ചെലവായെന്നാണ് ഇത്തവണത്തെ നാമനിർദേശ പത്രികയിൽ പറഞ്ഞിരിക്കുന്നത്. എന്നാൽ, ടി വി 9 ചാനലിനോട് 20 കോടി രൂപ ചെലവായെന്ന് എം.കെ രാഘവൻ പറയുന്നു. ഇതിനിടെ, തനിക്കെതിരെ ഉയർന്ന ആരോപണം സിപിഎം കെട്ടിച്ചമച്ചതാണെന്ന് എം.കെ രാഘവൻ ആരോപിച്ചു. ചാനലിൽ കേൾപ്പിച്ചത് തന്റെ ശ്ബ്ദാമല്ല എന്നും എം.കെ രാഘവനും യുഡിഎഫ് നേതാക്കളും പറഞ്ഞു.