ആലപ്പുഴ നഗരസഭയില്‍ അംഗങ്ങള്‍ തമ്മില്‍ കൂട്ടത്തല്ല്

ആലപ്പുഴ: നഗരസഭാ സെക്രട്ടറിക്കെതിരെ നടപടി ആവശ്യപ്പെട്ട് കൂടിയ ആലപ്പുഴ നഗരസഭാ കൗൺസിലിൽ സംഘര്‍ഷം. പ്രതിപക്ഷ ഭരണപക്ഷ അംഗങ്ങള്‍ പരസ്പരം കസേരകള്‍ വലിച്ചെറിഞ്ഞു. ഇരുവിഭാഗവും തമ്മിലുള്ള രൂക്ഷമായ ഏറ്റുമുട്ടലില്‍ നഗരസഭാ ചെയര്‍മാന്‍ തോമസ് ജോസഫിന് പരുക്കേറ്റു. സംഘര്‍ഷത്തില്‍ ദേഹാസ്വാസ്ഥ്യം അനുഭവപ്പെട്ട ചെയര്‍മാനെ ആശുപത്രിയില്‍ പ്രവേശിപ്പിച്ചു. അതേസമയം, കൗണ്‍സിലിന്റെ തീരുമാനത്തിന് വിരുദ്ധമായി പ്രവര്‍ത്തിച്ച നഗരസഭാ സെക്രട്ടറിക്കെതിരെ നടപടിക്ക് കൗണ്‍സില്‍ ശുപാര്‍ശ ചെയ്തു.

ഇന്ന് ഉച്ചയ്ക്ക് 2.30 ഓടെയാണ് കൗണ്‍സില്‍ യോഗം ആരംഭിച്ചത്. നഗരസഭാ സെക്രട്ടറിക്കെതിരായ നടപടി ചര്‍ച്ച ചെയ്യുകയായിരുന്നു അജണ്ട. ചര്‍ച്ച പുരോഗമിക്കുന്നതിനിടെ യുഡിഎഫ് കൗണ്‍സിലര്‍ സ്ത്രീ വിരുദ്ധ പരാമര്‍ശം നടത്തിയെന്നാരോപിച്ചാണ് പ്രതിപക്ഷം ബഹളം ആരംഭിച്ചത് വിഷയം ചര്‍ച്ച ചെയ്യാമെന്നും ചെയര്‍മാന്‍ അറിയിച്ചെങ്കിലും പ്രതിപക്ഷം വഴങ്ങിയില്ല. ഇതേത്തുടര്‍ന്ന് നഗരസഭാ സെക്രട്ടറിക്കെതിരെ നടപടി ശുപാര്‍ശ ചെയ്ത് കൗണ്‍സില്‍ ചെയര്‍മാന്‍ അറിയിച്ചു തുടര്‍ന്ന് കൗണ്‍സില്‍ ഹാളില്‍ പുറത്തേക്കിറങ്ങിയ ചെയര്‍മാനെ പ്രതിപക്ഷാംഗങ്ങള്‍ തടഞ്ഞു. തോമസ് ചാണ്ടിയുടെ റിസോര്‍ട്ട് നിര്‍മാണവുമായി ബന്ധപ്പെട്ട ഫയലുകള്‍ കാണാതായ സംഭവത്തില്‍ നാല് നഗരസഭാ ജീവനക്കാരെ സസ്‌പെന്‍ഡ് ചെയ്തതിനെതിരെ ഇടതുപക്ഷ അനുകൂല ജീവനക്കാര്‍ പണിമുടക്കി സമരം നടത്തിയിരുന്നു. ഇവര്‍ക്ക് സമരം ചെയ്ത ദിവസങ്ങളിലെ ശമ്പളം നല്‍കേണ്ടെന്ന് ചെയര്‍മാന്‍ തീരുമാനമെടുത്തു. അംഗങ്ങളെ മര്‍ദ്ദിച്ചെന്ന് ആരോപിച്ച്‌ പ്രതിപക്ഷം നഗരസഭയ്ക്ക് മുന്‍പില്‍ കുത്തിയിരുന്നു പ്രതിഷേധിച്ചു.

clash in alappuzha corporation on thomas chandy issue

alappuzha municipal councillors fought over thomas chandys lake palace