നല്ല സ്ഥാനാർഥികളെ മാത്രമേ ജനം അംഗീകരിക്കൂ; ഗ്രൂപ്പടിസ്ഥാനത്തില്‍ വീതംവയ്പ്പ് വേണ്ടെന്ന് കെ മുരളീധരൻ

കോഴിക്കോട്: നിയമസഭാ തെരഞ്ഞെടുപ്പിൽ ഗ്രൂപ്പടിസ്ഥാനത്തിൽ സീറ്റുകൾ വീതം വയ്ക്കരുതെന്ന് കോൺഗ്രസ് നേതാവും എംപിയുമായ കെ മുരളീധരൻ. നല്ല സ്ഥാനാർഥികൾ ഉണ്ടെങ്കിൽ മാത്രമേ ജനം അംഗീകരിക്കൂവെന്നും അദ്ദേഹം പറഞ്ഞു. വടകര മണ്ഡലത്തിൽ ആർഎംപി നിർണായക ഘടകമാണെന്നും അദ്ദേഹം പറഞ്ഞു. ഏഷ്യാനെറ്റ് ന്യൂസിനോടാണ് പ്രതികരണം.തദ്ദേശ തെരഞ്ഞെടുപ്പിന് ശേഷം പാർട്ടിയിൽ നടത്തിയ വിമർശനങ്ങളെക്കുറിച്ച് സംസാരിക്കവെയാണ് ഇനി നിയമസഭാ തെരഞ്ഞെടുപ്പിലെ സ്ഥാനാർഥി നിർണയമാണ് നിർണായകമെന്ന് അദ്ദേഹം പറഞ്ഞത്. പഴയതുപോലെ സീറ്റ് വീതംവയ്പ്പ് പാടില്ലെന്നും അദ്ദേഹം ആവശ്യപ്പെട്ടു.

Also Read : ജഡ്‌ജിക്ക് 150 കോണ്ടം അയച്ചുനൽകി യുവതിയുടെ പ്രതിഷേധം; നടപടി വിവാദ ഉത്തരവുകൾ മൂലമെന്ന് ദേവ്ശ്രീ ത്രിവേദി

'ഇപ്പോൾ ഏറ്റവും അത്യാവശ്യമായി വേണ്ടത് സ്ഥാനാർഥി നിർണയമാണ്, അവിടെയാണ് ഏറ്റവും സൂക്ഷിക്കേണ്ടത്. പഴയതുപോലെ വീതംവയ്പ്പൊന്നും ശരിയാകില്ല. ഒരു സ്ഥാനാർഥിയെ നിശ്ചയിക്കുമ്പോൾ ആ സ്ഥാനാർഥിയ്ക്ക് നിയോജക മണ്ഡലത്തിൽ വേരോട്ടമുണ്ടാകണം' മുരളീധരൻ പറഞ്ഞു. ഒരു സ്ഥാനാർഥിയുടെ കാര്യത്തിലും തീരുമാനമെടുത്തിട്ടില്ലെന്നും അദ്ദേഹം കൂട്ടിച്ചേർത്തു.

വടകരയില്‍ ആര്‍എംപിയുമായി സഹകരിക്കണമെന്നാണ് ആഗ്രഹം. വടകരയിൽ ശക്തമായ രാഷ്ട്രീയ സ്വാധീനമുള്ള പാർട്ടിയാണിത്. ഇതിനായുള്ള ചര്‍ച്ചകള്‍ തുടങ്ങിയെന്നും മുരളീധരൻ പറഞ്ഞു. ശബരിമല വിഷയത്തിൽ വിശ്വാസം സംരക്ഷിക്കണമെന്നാണ് യുഡിഎഫ് ആദ്യം മുതൽ സ്വീകരിക്കുന്ന നിലപാടെന്നും അദ്ദേഹം വ്യക്തമാക്കി.

പിന്‍വാതില്‍ നിയമനങ്ങളുടെ കണക്ക് പുറത്ത് വിട്ട് അനര്‍ഹരെ പുറത്താക്കണമെന്ന് മുല്ലപ്പള്ളി

സംസ്ഥാനത്ത് നടക്കുന്ന പല സംഭവ വികാസങ്ങളും യുഡിഎഫിന്‍റെ തെരഞ്ഞെടുപ്പ് വിജയമാണ് സൂചിപ്പിക്കുന്നതെന്നും ഉദ്യോഗാര്‍ത്ഥികളുടെ സെക്രട്ടറിയേറ്റ് സമരം എല്‍ഡിഎഫ് സര്‍ക്കാരിന്‍റെ പ്രതിച്ഛായയ്ക്ക് മങ്ങലേല്‍പ്പിച്ചെന്നും അദ്ദേഹം കൂട്ടിച്ചേര്‍ത്തു. നിലവിൽ യുഡിഎഫിൽ ഉണർവുണ്ടായിട്ടുണ്ടെന്നും അദ്ദേഹം പറഞ്ഞു.