വൈക്കം: കോൺഗ്രസ് പ്രകടന പത്രിക ബിജെപി നയത്തിൻ്റെ പകര്പ്പെന്ന് സിപിഎം ജനറൽ സെക്രട്ടറി സീതാറാം യെച്ചൂരി. ബിജെപിയെ അധികാരത്തിൽ നിന്ന് മാറ്റാനും കോൺഗ്രസിൻ്റെ ജനവിരുദ്ധ നയത്തെ പരാജയപ്പെടുത്താനുള്ള പോരാട്ടമാണെന്നും അദ്ദേഹം പറഞ്ഞു. കോട്ടയം സീറ്റിലെ എൽഡിഎഫ് സ്ഥാനാര്ത്ഥി വി എൻ വാസവൻ്റെ തെരഞ്ഞെടുപ്പ് പ്രചാരണ പരിപാടികളിൽ സംസാരിക്കുകയായിരുന്നു സീതാറാം യെച്ചൂരി. പ്രതിപക്ഷം വിഭാഗീയത സൃഷ്ടിക്കുന്നുവെന്ന പ്രധാനമന്ത്രിയുടെ ആക്ഷേപം വസ്തുതകള്ക്ക് എതിരാണ്. മുൻ കോൺഗ്രസ് സര്ക്കാരിൻ്റെ തെറ്റായ സാമ്പത്തിക നയമാണ് ബിജെപിയെ അധികാരത്തിലെത്തിച്ചത്. മോദി സര്ക്കാര് ഇതേ നയം തന്നെ പിന്തുടര്ന്നെന്നും അദ്ദേഹം പറഞ്ഞു.
എല്ലാ പൗരാവകാശങ്ങളും ഇല്ലാതാകുന്ന ഗുരുതരമായ രാഷ്ട്രീയ സാഹചര്യമാണ് നിലനിൽക്കുന്നത്. കോൺഗ്രസിന് ബിജെപിയുടെ സാമ്പത്തിക നയത്തെയൊ വർഗീയതയെയോ എതിർക്കാനാകില്ല. ഇത് മനസിലാക്കി ജനങ്ങള് ഇടതുപക്ഷത്തിന് വോട്ട് ചെയ്യുമെന്നും അദ്ദേഹം പറഞ്ഞു.
എല്ലാ പൗരാവകാശങ്ങളും ഇല്ലാതാകുന്ന ഗുരുതരമായ രാഷ്ട്രീയ സാഹചര്യമാണ് നിലനിൽക്കുന്നത്. കോൺഗ്രസിന് ബിജെപിയുടെ സാമ്പത്തിക നയത്തെയൊ വർഗീയതയെയോ എതിർക്കാനാകില്ല. ഇത് മനസിലാക്കി ജനങ്ങള് ഇടതുപക്ഷത്തിന് വോട്ട് ചെയ്യുമെന്നും അദ്ദേഹം പറഞ്ഞു.