കണ്ണൂർ: മുഖ്യമന്ത്രിക്കെതിരായ പരാമർശത്തിൽ ഉറച്ച് നിൽക്കുന്നെന്ന് കോൺഗ്രസ് നേതാവും എംപിയുമായ കെ സുധാകരൻ. താൻ പറഞ്ഞതിൽ എന്താണ് തെറ്റെന്നും സുധാകരൻ ചോദിച്ചു. പരാമർശത്തിന്റെ പേരിൽ തനിക്കെതിരെ രംഗത്തെത്തിയ കോൺഗ്രസ് നേതാക്കൾക്കെതിരെയും സുധാകരൻ വിമർശനങ്ങൾ ഉന്നയിച്ചു. സിപിഎം നേതാക്കൾക്ക് ഇല്ലാത്ത വിഷമം ഷാനിമോൾക്ക് എന്താണെന്നും അദ്ദേഹം ചോദിച്ചു. 'താൻ പറഞ്ഞതിൽ എന്താണ് തെറ്റ്, ഞാൻ പറഞ്ഞതിലെ സാമാന്യ മര്യാദയുടെ തെറ്റ് എന്താണ് എന്ന് മാധ്യമങ്ങൾ എന്നോട് പറയണം. ഞാൻ പറഞ്ഞത്, പിണറായി വിജയന്റെ കുട്ടിക്കാലവും കുടുംബവും ഒരു ചെത്തുതൊഴിലാളിയുടെ കുടുംബമായിരുന്നു. അതിൽ നിന്ന് തൊഴിലാളി വർഗ പ്രസ്ഥാനത്തിന്റെ നേതാവായി ചെങ്കൊടിയേന്തി പാവപ്പെട്ടവർക്ക് വേണ്ടി സമരം ചെയ്ത് വളർന്നുവന്ന ഒരു നേതാവ് ഭരണാധികാരി ആയപ്പോൾ, അദ്ദേഹത്തിന് സഞ്ചരിക്കാൻ ഹെലികോപ്ടർ വാടകയ്ക്ക് എടുത്തു സഞ്ചരിക്കേണ്ട സാഹചര്യം അതിലേക്ക് നയിക്കുന്ന അദ്ദേഹത്തിന്റെ വികാരവും വിചാരങ്ങളും അത് തൊഴിലാളി വർഗത്തിന് അനുസൃതമാണോ എന്നാണ്' കെ സുധാകരൻ പറഞ്ഞു.
ചെത്ത് തൊഴിലാളി എന്ന് പറയുന്നത് തെറ്റാണോയെന്നും സുധാകരൻ ചോദിക്കുന്നു. ഒരു തൊഴിൽ വിഭാഗത്തെക്കുറിച്ച് പറഞ്ഞാൽ അതിൽ എന്താണ് അപമാനം? അതിലെന്താണ് തെറ്റെന്ന് തനിക്ക് എത്ര ആലോചിച്ചിട്ടും കിട്ടിയില്ലെന്നും അദ്ദേഹം പറഞ്ഞു. പലരോടും താനിത് ചോദിച്ചെന്നും ചോദിച്ചവരാരും അതിൽ തെറ്റുണ്ടെന്ന് പറഞ്ഞിട്ടില്ലെന്നും അദ്ദേഹം പറഞ്ഞു.
ഷാനിമോൾ ഉസ്മാന് എന്താണ് ഇത്രയേറെ മാനസിക പ്രയാസം എന്ന് തനിക്കറിയില്ലെന്നും സുധാകരൻ പറഞ്ഞു. പിണറായി വിജയനെ പറഞ്ഞതിനോട് ഏതെങ്കിലും സിപിഎം നേതാവ് പ്രതികരിച്ചോ? പിന്നെ കോൺഗ്രസിന്റെ നേതാവ് ഷാനിമോൾ ഉസ്മാന് എന്തേ ഇത്ര അസന്തുഷ്ടിയും മനപ്രയാസവും എന്ന് എനിക്ക് മനസിലായിട്ടില്ലെന്നും അദ്ദേഹം പറഞ്ഞു.
കുലത്തൊഴിലിനെ പറഞ്ഞാൽ എന്താണ് തെറ്റെന്നും കോൺഗ്രസ് എംപി ചോദിച്ചു. രമേശ് ചെന്നിത്തലയുടെ പ്രതികരണം തനിക്കറിയില്ലെന്നും താൻ പറഞ്ഞതിൽ ഉറച്ചുനിൽക്കുകയാണെന്നും അദ്ദേഹം പറഞ്ഞു.
ചെത്ത് തൊഴിലാളി എന്ന് പറയുന്നത് തെറ്റാണോയെന്നും സുധാകരൻ ചോദിക്കുന്നു. ഒരു തൊഴിൽ വിഭാഗത്തെക്കുറിച്ച് പറഞ്ഞാൽ അതിൽ എന്താണ് അപമാനം? അതിലെന്താണ് തെറ്റെന്ന് തനിക്ക് എത്ര ആലോചിച്ചിട്ടും കിട്ടിയില്ലെന്നും അദ്ദേഹം പറഞ്ഞു. പലരോടും താനിത് ചോദിച്ചെന്നും ചോദിച്ചവരാരും അതിൽ തെറ്റുണ്ടെന്ന് പറഞ്ഞിട്ടില്ലെന്നും അദ്ദേഹം പറഞ്ഞു.
ഷാനിമോൾ ഉസ്മാന് എന്താണ് ഇത്രയേറെ മാനസിക പ്രയാസം എന്ന് തനിക്കറിയില്ലെന്നും സുധാകരൻ പറഞ്ഞു. പിണറായി വിജയനെ പറഞ്ഞതിനോട് ഏതെങ്കിലും സിപിഎം നേതാവ് പ്രതികരിച്ചോ? പിന്നെ കോൺഗ്രസിന്റെ നേതാവ് ഷാനിമോൾ ഉസ്മാന് എന്തേ ഇത്ര അസന്തുഷ്ടിയും മനപ്രയാസവും എന്ന് എനിക്ക് മനസിലായിട്ടില്ലെന്നും അദ്ദേഹം പറഞ്ഞു.
കുലത്തൊഴിലിനെ പറഞ്ഞാൽ എന്താണ് തെറ്റെന്നും കോൺഗ്രസ് എംപി ചോദിച്ചു. രമേശ് ചെന്നിത്തലയുടെ പ്രതികരണം തനിക്കറിയില്ലെന്നും താൻ പറഞ്ഞതിൽ ഉറച്ചുനിൽക്കുകയാണെന്നും അദ്ദേഹം പറഞ്ഞു.