ആപ്പ്ജില്ല

പരാതിക്കാരനുമായി ഭദ്രാസനാധിപൻ നടത്തിയ സംഭാഷണം പുറത്ത്

നാല് മിനിറ്റോളം നീണ്ടു നിൽക്കുന്ന സംഭാഷണമാണ് പുറത്ത് വന്നത്.

Samayam Malayalam 7 Aug 2018, 12:07 pm
തിരുവല്ല: ഓർത്തഡോക്‌സ് സഭയിലെ കുമ്പസാര പീഡനക്കേസിൽ നിരണം ഭദ്രാസനാധിപൻ യൂഹാനോൻ മാർ ക്രിസോസ്റ്റമോസും പരാതിക്കാരനും തമ്മിൽ നടത്തിയ ഫോൺ സംഭാഷണത്തിന്‍റെ ശബ്‌ദരേഖ പുറത്ത്. യുവതിയുടെ ഭർത്താവുമായും കുടുംബാംഗങ്ങളുമായും യൂഹാനോൻ മാർ ക്രിസോസ്റ്റമോസ് സംസാരിക്കുന്നുണ്ട്. നാല് വൈദികർക്കെതിരെ യുവതിയുടെ ഭർത്താവ് നൽകിയ കുമ്പസാര പീഡന പരാതി കൈപ്പറ്റിയെന്ന രസീത് ഒപ്പിട്ട് നൽകാൻ നിരണം ഭദ്രാസനാധിപൻ വിസമ്മതിക്കുന്നത് പുറത്ത് വന്ന ഫോൺ സംഭാഷണത്തിൽ വ്യക്തമാണ്.
Samayam Malayalam കുമ്പസാര പീഡനം


നാല് മിനിറ്റോളം നീണ്ടു നിൽക്കുന്ന സംഭാഷണമാണ് പുറത്ത് വന്നത്.താൻ രസീത് ഒപ്പിട്ട് നൽകിയാൽ അത് പോലീസ് സ്റ്റേഷനിൽ ഹാജരാക്കണമെന്നാണ് നിയമമെന്ന് മെത്രാപ്പോലീത്ത വ്യക്തമാക്കുന്നു. രസീത് പോലീസ് സ്റ്റേഷനിൽ ഹാജരാക്കിയില്ലെങ്കിൽ ഉണ്ടാകുന്ന ഭവിഷ്യത്തിനെ കുറിച്ചും മെത്രാപ്പോലീത്ത സംസാരിക്കുന്നുണ്ട്. നിയമപ്രകാരം ഒപ്പിട്ട രേഖ ഹാജരാക്കിയില്ലെങ്കിൽ ദൈവ മുൻപാകെ താൻ കുറ്റക്കാരനാകും. നിങ്ങളെക്കാളും വൈദികരേക്കാളും കുറ്റം തനിക്കാകും എന്നും സംഭാഷണത്തിൽ മെത്രാപ്പോലീത്ത വ്യക്തമാക്കുന്നു. തന്‍റെ അധികാരപരിധിയിൽ നിന്ന് പരാതിയിൽ പറയുന്ന വൈദികർക്കെതിരെ ശിക്ഷാനടപടി സ്വീകരിക്കുമെന്ന് ക്രിസോസ്റ്റമോസ് മേത്തപ്പോലീത്ത വ്യക്തമാക്കുന്നു.

വൈദികരുടെ സാന്നിധ്യത്തിലാണ് പരാതി സ്വീകരിച്ചത്. നിന്‍റെയും കുടുംബത്തിന്‍റെയും വേദന മനസിലാക്കുന്നു. എനിക്കിത് മറച്ചുവെച്ചിട്ട് ഒന്നും നേടാനില്ലെന്നും അത് ശരിയല്ലെന്നും മെത്രാപ്പോലീത്ത പറയുന്നു. വൈദികരുടെ ശിക്ഷാനടപടികളെ കുറിച്ച് ബാവ തിരുമേനിയെ ധരിപ്പിക്കുമെന്നും മെത്രാപ്പോലീത്ത പരാതിക്കാരന് ഉറപ്പ് നൽകുന്നുണ്ട്. പരാതി ഓർത്തഡോക്‌സ് സഭാനേതൃത്വം കൈപ്പറ്റിയെന്ന രേഖ വേണമെന്നാണ് പാരാതിക്കാരനും കുടുംബാംഗങ്ങളും ആവശ്യപ്പെടുന്നത്.

ആര്‍ട്ടിക്കിള്‍ ഷോ

Malayalam News App: ഏറ്റവും പുതിയ മലയാളം വാര്‍ത്തകള്‍ അറിയാന്‍ ആപ്പ് ഡൗണ്‍ലോഡ് ചെയ്യുക
ഏറ്റവും പുതിയ വാർത്തകൾ അതിവേഗം അറിയാൻ Samayam Malayalam ഫേസ്ബുക്ക്പേജ് ലൈക്ക് ചെയ്യൂ
ട്രെൻഡിങ്