സ്കൂളുകളുടേയും കോളേജുകളുടെയും ഹോസ്റ്റലുകളും ആൾത്താമസം ഇല്ലാത്ത അപ്പാർട്ടുമെന്റുകളുമാണ് ഇത്തരത്തിൽ ഐസൊലേഷൻ വാർഡ് ആക്കാൻ തയ്യാറെടുക്കുന്നത്. ജില്ലാ കളക്ടർ ഇത്തരത്തിൽ നിർദ്ദേശിച്ചുവെന്നാണ് റിപ്പോർട്ട്.
Samayam Malayalam16 Mar 2020, 7:11 pm
കൊച്ചി։ രണ്ടാം വട്ടവും കൊവിഡ് 19 കേരളത്തില്‍ റിപ്പോര്‍ട്ട് ചെയ്തതോടെ കടുത്ത ജാഗ്രതയിലാണ് അധികൃതര്‍. കൂടുതല്‍, ആളുകള്‍ വൈറസ് ബാധയുടെ ലക്ഷണങ്ങളുമായെത്തിയാല്‍ അവര്‍ക്ക് താമസിക്കാനുള്ള സൗകര്യം അടക്കം ഒരുക്കുകയാണ് ഇപ്പോള്‍ അധികൃതര്‍.
Samayam Malayalamകൊറോണ വൈറസ് കൂടുതൽ ഐസൊലേഷൻ വാർഡുകൾ
നിലവില്‍ കളമശേരി മെഡിക്കല്‍ കോളെജിലാണ് ഐസൊലേഷന്‍ വാര്‍ഡ് പ്രവര്‍ത്തിക്കുന്നത്. കൊറോണ വൈറസ് സംശയിക്കുന്ന ആളുകളെ ഐസൊലേഷന്‍ വാര്‍ഡില്‍ താമസിപ്പിക്കുന്നതിന് കൂടുതല്‍ ഇടം തേടുകയാണ് ഇപ്പോള്‍ അധികൃതര്‍. അതിനായി സ്വകാര്യ ആശുപത്രികളും സ്കൂള്‍, കോളേജ് എന്നിവിടങ്ങളുടെ ഹോസ്റ്റലുകളും ആളൊഴിഞ്ഞ് കിടക്കുന്ന അപ്പാര്‍ട്ട്മെന്റുകളും എടുക്കണമെന്ന് എറണാകുളം ജില്ലാ കളക്ടര്‍ എസ്. സുഹാസ് നിര്ദ്ദേശം നല്‍കിക്കഴിഞ്ഞുവെന്നാണ് റിപ്പോര്‍ട്ട്.
തിരുവനന്തപുരത്ത് ഡോക്ടര്‍ക്ക് സ്ഥിരീകരിച്ചതോടെ ശ്രീചിത്ര മെഡിക്കല്‍ സെന്ററിലെ 76 ജീവനക്കാര്‍ക്ക് അവധിയില്‍ പ്രവേശിക്കാന്‍ നിര്ദ്ദേശം നല്‍കി. ഇയാളുമായി സമ്പര്‍ക്കത്തില്‍ ഏര്‍പ്പെട്ടുവവെന്ന് കണ്ടെത്തിയ 43 ഡോക്ടര്‍മാരും 18 നഴ്സമുര്‍ക്കും 13 സാങ്കേതിക വിഭാഗം ജീവനക്കാര്‍ക്കുുമാണ് വീട്ടില്‍ നിരീക്ഷണത്തില്‍ കഴിയാന്‍ നിര്ദ്ദേശം ഇതേത്തുടര്‍ന്ന കടുത്ത പ്രതിസന്ധിയിലാണ് ശ്രീചിത്ര ആശുപത്രി. അടിയന്തിര ശസ്ത്രക്രിയകള്‍ അടക്കം മാറ്റി വച്ചതായി ആശുപത്രി അധികൃതര്‍ അറിയിച്ചു.
നിലവില്‍ സംസ്ഥാനത്ത് വൈറസ് ബാധിതരുടെ എണ്ണം 21 ആയി. വിവിധ ജില്ലകളിലായി 10,944 പേരാണ് നിരീക്ഷണത്തിലുള്ളത് അതില്‍ 10,655 പേര്‍ വീടുകളിലാണ് നിരീക്ഷണത്തിലുള്ളത്. ചികിത്സയിലിരിക്കുന്നവരുടെ ആരോഗ്യനില തൃപ്തികരമാണെന്ന് ആരോഗ്യമന്ത്രി കെ.കെ. ശൈലജ കഴിഞ്ഞ ദിവസം അറിയിച്ചു.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.
