സംസ്ഥാനത്ത് ഇന്ന് 1129 പേർക്ക് കൊവിഡ്-19 സ്ഥിരീകരിച്ചതായി മുഖ്യമന്ത്രി പിണറായി വിജയൻ. ഇതിൽ 259 പേര് തിരുവനന്തപുരം ജില്ലയിലാണ്. ഫേസ്ബുക്ക് പോസ്റ്റിലൂടെയാണ് അദ്ദേഹം ഇക്കാര്യം വ്യക്തമാക്കിയത്. തിരുവനന്തപുരം, തൃശൂര് ജില്ലകളില് മരണമടഞ്ഞ 2 വ്യക്തികളുടെ പരിശോധനാഫലവും ഉള്പ്പെടുന്നതാണ് കണക്കുകൾ. ഇന്ന് രോഗം സ്ഥിരീകരിച്ചവരില് 89 പേര് വിദേശ രാജ്യങ്ങളില് നിന്നും 114 പേര് മറ്റ് സംസ്ഥാനങ്ങളില് നിന്നും വന്നതാണ്. 880 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത് സംസ്ഥാനത്തെ കൊവിഡ് കേസുകളുമായും ലോക്ക് ഡൗണുമായും ബന്ധപ്പെട്ട വിശദവിവരങ്ങൾ താഴെ വായിക്കാം.
കൊവിഡ് ബാധിതരുടെ ജില്ലതിരിച്ചുള്ള റിപ്പോർട്ട്
ഇന്നത്തെ കേസുകളിൽ 259 പേര് തിരുവനന്തപുരം ജില്ലയിലാണ്. കാസര്ഗോഡ് ജില്ലയിലെ 153 പേര്ക്കും, മലപ്പുറം ജില്ലയിലെ 141 പേര്ക്കും, കോഴിക്കോട് ജില്ലയിലെ 95 പേര്ക്കും, പത്തനംതിട്ട ജില്ലയിലെ 85 പേര്ക്കും, തൃശൂര് ജില്ലയിലെ 76 പേര്ക്കും, ആലപ്പുഴ ജില്ലയിലെ 67 പേര്ക്കും, എറണാകുളം ജില്ലയിലെ 59 പേര്ക്കും, കോട്ടയം, പാലക്കാട് ജില്ലകളിലെ 47 പേര്ക്ക് വീതവും, വയനാട് ജില്ലയിലെ 46 പേര്ക്കും, കൊല്ലം ജില്ലയിലെ 35 പേര്ക്കും, ഇടുക്കി ജില്ലയിലെ 14 പേര്ക്കും, കണ്ണൂര് ജില്ലയിലെ 5 പേര്ക്കുമാണ് രോഗം സ്ഥിരീകരിച്ചത്
സമ്പർക്കത്തിലൂടെ 880 പേർക്ക് കൊവിഡ്
1129 പേരിൽ 880 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. അതില് 58 പേരുടെ സമ്പര്ക്ക ഉറവിടം വ്യക്തമല്ല. തിരുവനന്തപുരം ജില്ലയിലെ 241 പേര്ക്കും, കാസര്ഗോഡ് ജില്ലയിലെ 151 പേര്ക്കും, മലപ്പുറം ജില്ലയിലെ 83 പേര്ക്കും, കോഴിക്കോട് ജില്ലയിലെ 80 പേര്ക്കും, പത്തനംതിട്ട ജില്ലയിലെ 61 പേര്ക്കും, ആലപ്പുഴ ജില്ലയിലെ 52 പേര്ക്കും, വയനാട് ജില്ലയിലെ 44 പേര്ക്കും, കോട്ടയം ജില്ലയിലെ 38 പേര്ക്കും, തൃശൂര് ജില്ലയിലെ 35 പേര്ക്കും, എറണാകുളം ജില്ലയിലെ 33 പേര്ക്കും, പാലക്കാട് ജില്ലയിലെ 26 പേര്ക്കും, കൊല്ലം ജില്ലയിലെ 27 പേര്ക്കും, ഇടുക്കി ജില്ലയിലെ 7 പേര്ക്കും, കണ്ണൂര് ജില്ലയിലെ 2 പേര്ക്കുമാണ് പേര്ക്കുമാണ് സമ്പര്ക്കത്തിലൂടെ രോഗം
കൊവിഡ് മരണം 81 ആയി
സംസ്ഥാനത്ത് കൊവിഡ് മരണങ്ങൾ 81 ആയി ഉയർന്നിരിക്കുകയാണ്. മലപ്പുറം കൊണ്ടോട്ടി സ്വദേശി കോയാമു (82), എറണാകുളം ആലുവ സ്വദേശി അഷ്റഫ് (52), എറണാകുളം സ്വദേശി എയ്ഞ്ചല് (81), കാസര്ഗോഡ് തൃക്കരിപ്പൂര് സ്വദേശി അബ്ദുള് റഹ്മാന് (72), തിരുവനന്തപുരം നെടുമങ്ങാട് സ്വദേശി ബാബു (62), കോഴിക്കോട് ബിച്ച് സ്വദേശി നൗഷാദ് (49), കൊല്ലം ജില്ലയിലെ അസുമാ ബീവി (73), തൃശൂര് ഇരിങ്ങാലക്കുട സ്വദേശി ചന്ദ്രന് (59) എന്നിവരുടെ മരണം കോവിഡാണെന്ന് സ്ഥിരീകരിച്ചു. ഇതോടെ ആകെ മരണം 81 ആയി.
752 പേർക്ക് രോഗമുക്തി
752 പേരുടെ പരിശോധനാഫലമാണ് ഇന്ന് നെഗറ്റീവ് ആയത്. തിരുവനന്തപുരം ജില്ലയില് നിന്നുള്ള 168 പേരുടെയും, ആലപ്പുഴ ജില്ലയില് നിന്നുള്ള 100 പേരുടെയും, പത്തനംതിട്ട ജില്ലയില് നിന്നുള്ള 58 പേരുടെയും, കോട്ടയം ജില്ലയില് നിന്നുള്ള 57 പേരുടെയും, തൃശൂര് ജില്ലയില് നിന്നുള്ള 54 പേരുടെയും, കൊല്ലം ജില്ലയില് നിന്നുള്ള 53 പേരുടെയും, കോഴിക്കോട് ജില്ലയില് നിന്നുള്ള 49 പേരുടെയും, പാലക്കാട് ജില്ലയില് നിന്നുള്ള 42 പേരുടെയും, മലപ്പുറം ജില്ലയില് നിന്നുള്ള 36 പേരുടെയും, എറണാകുളം, കണ്ണൂര് ജില്ലകളില് നിന്നുള്ള 35 പേരുടെ വീതവും, ഇടുക്കി ജില്ലയില് നിന്നുള്ള 32 പേരുടെയും, കാസര്ഗോഡ് ജില്ലയില് നിന്നുള്ള 28 പേരുടെയും, വയനാട് ജില്ലയില് നിന്നുള്ള 5 പേരുടെയും പരിശോധനാഫലം ആണ് ഇന്ന് നെഗറ്റീവ് ആയത്
സംസ്ഥാനത്ത് നിരീക്ഷണത്തിലുള്ളത് 1,43,996 പേർ
സംസ്ഥാനത്തെ വിവിധ ജില്ലകളിലായി 1,43,996 പേരാണ് ഇപ്പോള് നിരീക്ഷണത്തിലുള്ളത്. നിരീക്ഷണത്തിലുള്ളവരില് 1,33,616 പേര് വീട്/ഇന്സ്റ്റിറ്റിയൂഷണല് ക്വാറന്റൈനിലും 10,380 പേര് ആശുപത്രികളിലും നിരീക്ഷണത്തിലാണ്. 1257 പേരെയാണ് ഇന്ന് ആശുപത്രിയില് പ്രവേശിപ്പിച്ചത്.
ഇന്നലെ കൊവിഡ് സ്ഥിരീകരിച്ചത് 1310 പേർക്ക്
സംസ്ഥാനത്ത് വെള്ളിയാഴ്ച 1310 പേർക്കാണ് കൊവിഡ്-19 സ്ഥിരീകരിച്ചത്. വ്യാഴാഴ്ചത്തെ 425 പേരുടേയും ഇന്നലത്തെ 885 പേരുടേയും പരിശോധനാഫലം ചേര്ന്നുള്ളതാണിത്. 864 പേരുടെ പരിശോധനാഫലവും ഇന്നലെ നെഗറ്റീവായിരുന്നു. ഇന്നലെ സ്ഥിരീകരിച്ച ആകെ കൊവിഡ് കേസുകിൽ 1,162 പേര്ക്കും സമ്പര്ക്കത്തിലൂടെയാണ് രോഗം ബാധിച്ചത്. മൂന്ന് കൊവിഡ് മരണങ്ങളും വെള്ളിയാഴ്ച സ്ഥിരീകരിച്ചിരുന്നു.
കേരള പോലീസിൽ ആദ്യ കൊവിഡ് മരണം
കൊവിഡ് ബാധിച്ച് സംസ്ഥാനത്ത് ആദ്യമായി ഒരു പോലീസ് ഉദ്യോഗസ്ഥൻ മരിച്ചിരിക്കുകയാണ്. ഇടുക്കി സ്പെഷ്യൽ ബ്രാഞ്ച് എസ്ഐ അജിതൻ (55) ആണ് ചികിത്സയിലിരിക്കെ മരിച്ചത്. കോട്ടയം മെഡിക്കൽ കോളേജിൽ വെച്ചായിരുന്നു മരണം. രോഗം ഗുരുതരമായതിനെ തുടര്ന്ന് ഇദ്ദേഹത്തെ ആദ്യം ഇടുക്കി മെഡിക്കൽ കോളേജിലും പിന്നീട് കോട്ടയം മെഡിക്കൽ കോളേജിലും പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. ഇദ്ദേഹത്തിന് ഹൃദ്രോഗമടക്കമുള്ള ആരോഗ്യപ്രശ്നങ്ങള് ഉണ്ടായിരുന്നതായാണ് റിപ്പോര്ട്ട്. സംസ്ഥാനത്ത് നിരവധി പോലീസ് ഉദ്യോഗസ്ഥര്ക്ക് കൊവിഡ് സ്ഥിരീകരിച്ചെങ്കിലും ഇതാദ്യമായാണ് ഒരു പോലീസുകാരൻ വൈറസ് ബാധയേറ്റ് മരിക്കുന്നത്.
Also Read: കൊവിഡ് ബാധിച്ച് പോലീസുകാരൻ മരിച്ചു; മരിച്ചത് സ്പെഷ്യൽ ബ്രാഞ്ച് എസ്ഐ
സ്വകാര്യബസുകള് സർവീസ് നിർത്തി
കേരളത്തിൽ സര്വീസ് നടത്തുന്ന സ്വകാര്യബസുകളിൽ 90 ശതമാനവും ഇന്ന് മുതൽ സര്വീസ് നിര്ത്തിയിരിക്കുകയാണ്. ഒൻപതിനായിരത്തോളം ബസുകളാണ് സംസ്ഥാന സര്ക്കാരിന് ജി ഫോം സമര്പ്പിച്ചത്. കൊവിഡ് പ്രതിസന്ധി മൂലം യാത്രക്കാരുടെ എണ്ണം കുത്തനെ ഇടിഞ്ഞതും ഡീസൽ വില അടിയ്ക്കടി ഉയരുന്നതുമാണ് സ്വകാര്യ ബസ് സര്വീസുകള്ക്ക് പ്രതിസന്ധിയായത്. കൊവിഡ് പ്രതിസന്ധി സംസ്ഥാനത്ത് കൂടുതൽ രൂക്ഷമാകുന്ന സാഹചര്യത്തിൽ വരും ദിവസങ്ങളിൽ കൂടുതൽ സര്വീസുകള് നിര്ത്തിവെക്കാനാണ് സാധ്യതകളെന്നും റിപ്പോര്ട്ടുകളുണ്ട്.
Also Read: മൃതദേഹം ദഹിപ്പിക്കാമെന്ന് പാലാ ബിഷപ്പ്; ചിതാഭസ്മം കൈകാര്യം ചെയ്യുന്നതിൽ നിർദേശം
രാജ്യത്ത് കൊവിഡ് കേസുകൾ 17 ലക്ഷത്തിനരികെ
രാജ്യത്ത് പ്രതിദിന കൊവിഡ് ബാധ അമ്പതിനായിരം കടന്ന് ഉയരുന്ന കാഴ്ചയാണ് ഇപ്പോൾ കണ്ടുവരുന്നത്. കഴിഞ്ഞ 24 മണിക്കൂറിനിടെ 57,117 പേര്ക്കാണ് രാജ്യത്ത് കൊവിഡ് രോഗം ബാധിച്ചത്. ഈ സമയപരിധിയില് 764 പേർക്ക് ജീവൻ നഷ്ടപ്പെടുകയും ചെയ്തു. ഇതോടെ, രാജ്യത്തെ ആകെ കൊവിഡ് കേസുകള് 16,95,988 ആയി ഉയര്ന്നിരിക്കുകയാണ്. ഇതില് 5,65,103 പേര് വിവിധ ആശുപത്രികളിലായി ചികിത്സയിലാണ്. 10,94,374 പേര് രോഗമുക്തി നേടി. 36,511 പേര്ക്കാണ് രാജ്യത്ത് ഇതുവരെ കൊവിഡ് മൂലം ജീവന് പൊലിഞ്ഞത്.