രാഹുല്‍ ഈശ്വറിന്‍റെ ജാമ്യാപേക്ഷ കോടതി തള്ളി

പത്തനംതിട്ട: കൊട്ടാരക്കര സബ് ജയിലില്‍ റിമാന്‍ഡില്‍ കഴിയുന്ന അയ്യപ്പ ധര്‍മ്മസേനാ നേതാവ് രാഹുല്‍ ഈശ്വറിന്‍റെ ജാമ്യാപേക്ഷ ഫസ്റ്റ് ക്ലാസ് കോടതി തള്ളി. ബുധനാഴ്ചയാണ് രാഹുലിനെ സന്നിധാനത്തിന് സമീപത്തു നിന്ന് അറസ്റ്റ് ചെയ്തത്.

നിയമ വിരുദ്ധമായി സംഘടിക്കുക, ലഹളയിലേര്‍പ്പെടുക, കുറ്റകൃത്യം ചെയ്യണമെന്ന ഉദ്ദേശ്യത്തോടെ സംഘം ചേരുക, പോസീസിന്‍റെ കര്‍ത്തവ്യ നിര്‍വഹണം തടസപ്പെടുത്തുക, എന്നീ വകുപ്പുകളാണ് രാഹുലിനുമേല്‍ ചുമത്തിയിരിക്കുന്നത്.

രാഹുല്‍ ഈശ്വര്‍ സബ് ജയിലില്‍ നിരാഹാരം ആരംഭിച്ചുവെന്ന് വ്യക്തമാക്കിയിരുന്നു. ആന്ധ്രയില്‍ നിന്ന് വന്ന സംഘത്തെ ഭീഷണിപ്പെടുത്തി തിരിച്ചയച്ചുവെന്ന കേസിലാണ് അറസ്റ്റ് രേഖപ്പെടുത്തിയത്. ഗാന്ധിയന്‍ മാതൃകയിലുള്ള സമരമാണ് തങ്ങളുടെ ഭാഗത്തു നിന്ന് ഉണ്ടാകുന്നതെന്ന് രാഹുല്‍ പറഞ്ഞിരുന്നു. എന്നാല്‍ സമരം ആക്രമണ സ്വഭാവത്തിലേക്ക് കടന്നതോടെയാണ് സമരക്കാരെ പോലീസ് അറസ്റ്റ് ചെയ്‍തത്.