പി.ജെ ജോസഫിനെതിരെ മാണി വിഭാഗത്തിന്‍റെ നീക്കം

തിരുവനന്തപുരം: തിരുവനന്തപുരത്ത് നടക്കുന്ന കെ.എം മാണി അനുസ്‌മരണ യോഗത്തിൽ കേരള കോൺഗ്രസ് (എം) ചെയർമാനെ തെരഞ്ഞെടുക്കരുതെന്ന് കോടതി നിർദേശം. ഇന്ന് നടക്കുന്ന അനുസ്‌മരണ യോഗത്തിൽ പാർട്ടി ചെയർമാനെ തെരഞ്ഞെടുക്കാൻ പി.ജെ ജോസഫ് വിഭാഗം തീരുമാനിച്ചിരുന്നു. എന്നാൽ, മാണി വിഭാഗം ഇതിനെതിരെ തിരുവനന്തപുരം ജില്ലാ കോടതിയിൽ ഇതിനെതിരെ ഹർജി സമർപ്പിച്ചു.

തുടർന്ന് തിരുവനന്തപുരം ജില്ലാ കോടതിയുടെ അവധിക്കാല ബെഞ്ച് ചെയർമാനെ ഇന്ന് നടക്കുന്ന യോഗത്തിൽ തെരഞ്ഞെടുക്കാൻ പാടില്ല എന്ന് ഉത്തരവിറക്കി. പി.ജെ ജോസഫിനാണ് താത്‌കാലിക ചെയർമാന്റെ ചുമതല. ബൈലോ പ്രകാരമാണ് നടപടികൾ പുരോഗമിക്കുന്നതെന്ന് ഹർജിക്കാരൻ കോടതിയിൽ ചൂണ്ടിക്കാട്ടി.