കേരളത്തിൽ ഇന്ന് 3966 പേർക്ക് കൊവിഡ്-19 സ്ഥിരീകരിച്ചു; 4544 രോഗമുക്തി
കേന്ദ്ര ആരോഗ്യ മന്ത്രാലയം ഇന്ന് രാവിലെ പുറത്തുവിട്ട കണക്കുകൾ പ്രകാരം രാജ്യത്തെ ആകെ കൊവിഡ് കേസുകളുടെ എണ്ണം 93,09,788 ആയി ഉയർന്നു
കൊവിഡ് പോസിറ്റീവ് കേസുകൾ
കേരളത്തിൽ ഇന്ന് 3966 പേര്ക്ക് കൊവിഡ് സ്ഥിരീകരിച്ചപ്പോൾ കൂടുതൽ കേസുകൾ മലപ്പുറം ജില്ലയിലാണ്. മലപ്പുറം 612, തൃശൂര് 525, എറണാകുളം 397, കോഴിക്കോട് 374, പാലക്കാട് 351, കോട്ടയം 346, തിരുവനന്തപുരം 262, ആലപ്പുഴ 236, കൊല്ലം 229, പത്തനംതിട്ട 159, ഇടുക്കി 143, കണ്ണൂര് 131, വയനാട് 105, കാസര്ഗോഡ് 96 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
രോഗമുക്തി നേടിയവരുടെ വിവരങ്ങൾ
കൊവിഡ് സ്ഥിരീകരിച്ച് ചികിത്സയിലായിരുന്ന 4544 പേരുടെ പരിശോധനാഫലം നെഗറ്റീവ് ആയി. തിരുവനന്തപുരം 334, കൊല്ലം 378, പത്തനംതിട്ട 127, ആലപ്പുഴ 251, കോട്ടയം 202, ഇടുക്കി 174, എറണാകുളം 476, തൃശൂര് 826, പാലക്കാട് 228, മലപ്പുറം 779, കോഴിക്കോട് 455, വയനാട് 93, കണ്ണൂര് 136, കാസര്കോട് 85 എന്നിങ്ങനേയാണ് പരിശോധനാ ഫലം ഇന്ന് നെഗറ്റീവായത്.
23 മരണങ്ങൾ കൂടി സ്ഥിരീകരിച്ചു
23 മരണങ്ങളാണ് ഇന്ന് കൊവിഡ് മൂലമാണെന്ന് സ്ഥിരീകരിച്ചത്. തിരുവനന്തപുരം നരുവാമൂട് സ്വദേശിനി വത്സല (64), പള്ളിക്കല് സ്വദേശി രാധാകൃഷ്ണന് (70), പത്തനംതിട്ട കോന്നി സ്വദേശിനി കുഞ്ഞുമോള് (64), കോന്നി സ്വദേശി കെ.ആര്. ബാലന് (66), ആലപ്പുഴ ചേര്ത്തല സ്വദേശി തോമസ് (87), തലവടി സ്വദേശിനി പ്രസന്ന (63), ചെങ്ങന്നൂര് സ്വദേശി അന്നമ്മ രാജു (71), കോട്ടയം ഓമല്ലൂര് സ്വദേശി ഔസേപ്പ് (68), മല്ലശേരി സ്വദേശി പി.സി. ഫിലിപ് (72), കോട്ടയം സ്വദേശി കെ.സി. ജോണ് (80), കോട്ടയം സ്വദേശിനി ലീല ചന്ദ്രശേഖര് (42), എറണാകുളം ചെല്ലാനം സ്വദേശിനി ഗ്രേസി ജോണ് (65), ആലുവ സ്വദേശി ജോസഫ് ബാബു (68), തൃശൂര് പുന്നയൂര് സ്വദേശിനി അച്ചുമ്മ (67), മടക്കത്തറ സ്വദേശിനി ദേവകി അമ്മ (85), കൈപമംഗലം സ്വദേശി ഇബ്രാഹീം (75), കൊടുങ്ങല്ലൂര് സ്വദേശി കെ.എ. ജോസഫ് (65), ഗുരുവായൂര് സ്വദേശി ഐ.എസ്. വാസു (80), മലപ്പുറം കൊക്കൂര് സ്വദേശിനി കാര്ത്ത്യായനി (69), കൊണ്ടോട്ടി സ്വദേശി ഉമ്മച്ചുട്ടി (80), മലപ്പുറം സ്വദേശി അലി (74), ഭൂതാനം സ്വദേശി നാരായണന് (71), കോഴിക്കോട് കരിക്കംകുളം സ്വദേശി എം.പി. ഹസന് (87) എന്നിവരാണ് മരണമടഞ്ഞത്. ഇതോടെ ആകെ മരണം 2171 ആയി.
ആശങ്കയൊഴിയാതെ കേരളം
പുതിയ കൊവിഡ് കേസുകളുടെ എണ്ണത്തിൽ കുറവ് സംഭവിക്കാത്തത് കേരളത്തിൽ ആശങ്കയുണ്ടാക്കുന്നുണ്ട്. രോഗമുക്തി നേടുന്നവരുടെ എണ്ണത്തിൽ വർധനയുണ്ടെങ്കിലും മരണസംഖ്യ നിയന്ത്രിക്കാൻ കഴിയാത്തത് തിരിച്ചടിയാണ്. സമ്പർക്കത്തിലൂടെയുള്ള കൊവിഡ് കേസുകളാണ് കൂടുതൽ. ആരോഗ്യ പ്രവർത്തകരിലെ രോഗബാധ ഉയർന്ന തോതിലാണ്. പുതിയ കേസുകളുടെ എണ്ണത്തിൽ കുറവ് സംഭവിക്കാത്ത സാഹചര്യത്തിൽ വീടുകളിലും ആശുപത്രികളിലുമായി നിരീക്ഷണത്തിലും ചികിത്സയിലും കഴിയുന്നവരുടെ എണ്ണം ഉയർന്ന തോതിലാണ്.
രാജ്യത്തെ കൊവിഡ് കേസുകൾ
രാജ്യത്ത് പുതിയ കൊവിഡ് കേസുകളിൽ കുറവ് രേഖപ്പെടുത്തുന്നുണ്ട്. മരണസംഖ്യയിലും കുറവ് അനുഭവപ്പെടുന്നുണ്ട്. കേന്ദ്ര ആരോഗ്യ മന്ത്രാലയം ഇന്ന് രാവിലെ പുറത്തുവിട്ട കണക്കുകൾ പ്രകാരം രാജ്യത്തെ ആകെ കൊവിഡ് കേസുകളുടെ എണ്ണം 93,09,788 ആയി ഉയർന്നു. 4,55,555 സജീവ രോഗികളാണ് നിലവിൽ രാജ്യത്തുള്ളത്. 87,18,517 പേർക്ക് രോഗമുക്തി ലഭിച്ചതായും ആരോഗ്യ മന്ത്രാലയം വ്യക്തമാക്കി. കഴിഞ്ഞദിവസം 39,379 പേരാണ് രോഗം ഭേദമായി ആശുപത്രി വിട്ടത്. 1,35,715 പേർക്കാണ് ജീവൻ നഷ്ടമായത്.
മറ്റ് സംസ്ഥാനങ്ങളിൽ കൊവിഡ് കേസുകൾ കുറയുന്നു?
കേരളം, പശ്ചിമ ബംഗാൾ, ഡൽഹി സംസ്ഥാനങ്ങളിൽ ദിനം പ്രതിയുള്ള കൊവിഡ് കേസുകൾ ഉയർന്ന തോതിലാണ്. കഴിഞ്ഞ കുറച്ച് ദിവസങ്ങളിലായി മഹാരാഷ്ട്രയിൽ പുതിയ കേസുകളിൽ വർധനയുണ്ട്. കൊവിഡ് കേസുകൾ ഉയർന്ന തോതിൽ തുടർന്നിരുന്ന ആന്ധ്ര, കർണാടക, തമിഴ്നാട് സംസ്ഥാനങ്ങളിൽ ദിനം പ്രതിയുള്ള കണക്കുകളിൽ കുറവ് രേഖപ്പെടുത്തുന്നുണ്ട്. മരണസംഖ്യയിലും കുറവ് രേഖപ്പെടുത്തുന്നുണ്ട്.