വിവിധ ജില്ലകളിലെ കൊവിഡ് കണക്കുകള്‍
കോഴിക്കോട് 932, എറണാകുളം 929, മലപ്പുറം 897, തൃശൂര്‍ 847, തിരുവനന്തപുരം 838, ആലപ്പുഴ 837, കൊല്ലം 481, പാലക്കാട് 465, കണ്ണൂര്‍ 377, കോട്ടയം 332, കാസര്‍ഗോഡ് 216, പത്തനംതിട്ട 195, വയനാട് 71, ഇടുക്കി 65 എന്നിങ്ങനേയാണ് ജില്ലകളില്‍ ഇന്ന് രോഗ ബാധ സ്ഥിരീകരിച്ചത്.
23 കൊവിഡ് മരണം
23 മരണങ്ങളാണ് ഇന്ന് കോവിഡ്-19 മൂലമാണെന്ന് സ്ഥിരീകരിച്ചത്. തിരുവനന്തപുരം കരമന സ്വദേശി ഹരിഹരന്‍ (56), മുട്ടട സ്വദേശി കുട്ടപ്പന്‍ (72), വെമ്പായം സ്വദേശി ശശിധരന്‍ (70), മരുതൂര്‍ സ്വദേശി നാസര്‍ (56), ആറ്റിങ്ങല്‍ സ്വദേശി അനില്‍ (47), കൊല്ലം ആയൂര്‍ സ്വദേശിനി ശാരദാമ്മ (72), ഉമയനല്ലൂര്‍ സ്വദേശി നവാബുദീന്‍ (58), ആലപ്പുഴ ചേര്‍ത്തല സ്വദേശി രാമകൃഷ്ണന്‍ പിള്ള (83), കോട്ടയം എരുമേലി സ്വദേശിനി സൈനബ ബിവി (96), എറണാകുളം കൊച്ചി സ്വദേശിനി ട്രീസ ലോനന്‍ (89), ആലുവ സ്വദേശി ബഷീര്‍ (60), എടയാപുരം സ്വദേശിനി കെ.കെ. പുഷ്പ (68), വെങ്ങോല സ്വദേശിനി സല്‍മ സെയ്ദു മുഹമ്മദ് (55), കളമശേരി സ്വദേശിനി സൗദാമിനി അമ്മ (78), തൃശൂര്‍ കുന്നംകുളം സ്വദേശി രാമകൃഷ്ണന്‍ (70), ഏറനല്ലൂര്‍ സ്വദേശി ഷമീര്‍ (41), മലപ്പുറം വള്ളുവാമ്പ്രം സ്വദേശി ഹംസ (58), കല്പകഞ്ചേരി സ്വദേശിനി കുഞ്ഞിപാത്തുമ്മ (63), തിരൂര്‍ സ്വദേശിനി ലീല (60), തേഞ്ഞിപ്പാലം സ്വദേശിനി മമ്മദൂട്ടി (65), കോട്ടക്കല്‍ സ്വദേശി നഫീസ (72), കോഴിക്കോട് ചെറുവാത്ത് സ്വദേശി ഇബ്രാഹീം (64), പുതുപ്പാനം സ്വദേശി മജീദ് (73), എന്നിവരാണ് മരണമടഞ്ഞത്. ഇതോടെ ആകെ മരണം 1255 ആയി. ഇത് കൂടാതെ ഉണ്ടായ മരണങ്ങള്‍ എന്‍ഐവി ആലപ്പുഴയിലെ പരിശോധനയ്ക്ക് ശേഷം സ്ഥിരീകരിക്കുന്നതാണ്.
6448 പേര്‍ക്ക് സമ്പര്‍ക്കത്തിലൂടെ രോഗബാധ
ഇന്ന് രോഗം സ്ഥിരീകരിച്ചവരില്‍ 123 പേര്‍ സംസ്ഥാനത്തിന് പുറത്ത് നിന്നും വന്നവരാണ്. 6448 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 844 പേരുടെ സമ്പര്‍ക്ക ഉറവിടം വ്യക്തമല്ല. കോഴിക്കോട് 865, എറണാകുളം 718, മലപ്പുറം 821, തൃശൂര്‍ 835, തിരുവനന്തപുരം 628, ആലപ്പുഴ 809, കൊല്ലം 478, പാലക്കാട് 226, കണ്ണൂര്‍ 295, കോട്ടയം 320, കാസര്‍ഗോഡ് 203, പത്തനംതിട്ട 152, വയനാട് 62, ഇടുക്കി 36 എന്നിങ്ങനേയാണ് സമ്പര്‍ക്കത്തിലൂടെ രോഗം ബാധിച്ചത്.
രാജ്യത്ത് ആക്ടീവ് കേസുകൾ 10 ശതമാനത്തിൽ താഴെ
രാജ്യത്ത് ആക്ടീവ് കൊവിഡ് കേസുകൾ കുറഞ്ഞതായി കേന്ദ്ര സർക്കാർ. കഴിഞ്ഞ മൂന്ന് ദിവസത്തിനിടെ ആക്ടീവ് കൊവിഡ് കേസുകൾ ആകെ കൊവിഡ് ബാധിതരുടെ പത്ത് ശതമാനത്തിൽ താഴെയായാണ് കുറഞ്ഞത്. പോസിറ്റീവിറ്റി നിരക്ക് അഞ്ച് ശതമാനത്തിൽ താഴെയാണെന്നും കേന്ദ്ര ആരോഗ്യ മന്ത്രാലയം വ്യക്തമാക്കി.കഴിഞ്ഞ മൂന്ന് ദിവസത്തിനിടെ പോസിറ്റീവിറ്റി നിരക്ക് അഞ്ചുശതമാനത്തില്‍ താഴെയാണെന്നതും ആശ്വാസമേകുന്ന വാർത്തയാണ്. പോസിറ്റീവിറ്റി നിരക്ക് കുറയ്ക്കാൻ കഴിഞ്ഞത് വിവിധ സർക്കാരുകളുടെ മികച്ച പ്രവർത്തനത്തിന്‍റെ ഫലമായാണെന്നാണ് സർക്കാർ പറയുന്നത്. ഇന്നത്തെ പോസിറ്റീവിറ്റി നിരക്ക് 3.8 ശതമാനമാണ്.
കേരളത്തിൽ ബുധനാഴ്ച 8369 പേർക്ക് കൊവിഡ്
കേരളത്തിൽ ബുധനാഴ്ച 8369 പേര്‍ക്ക് കൊവിഡ് സ്ഥിരീകരിച്ചപ്പോൾ 6839 പേർക്ക് രോഗമുക്തിയുണ്ടായി. 26 മരണങ്ങൾ കൂടി സ്ഥിരീകരിച്ചതോടെ സംസ്ഥാനത്തെ കൊവിഡ് മരണം സംഖ്യ 1232 ആയി ഉയർന്നു. 7262 പേര്‍ക്ക് സമ്പര്‍ക്കത്തിലൂടെയാണ് രോഗം ബാധിച്ചത്. 883 പേരുടെ സമ്പര്‍ക്ക ഉറവിടം വ്യക്തമല്ല. രോഗബാധിതരുടെ എണ്ണം വർധിച്ചതോടെ വീടുകളിലും ആശുപത്രികളിലുമായി ചികിത്സയിലും നിരീക്ഷണത്തിലും കഴിയുന്നവരുടെ എണ്ണം ഉയർന്ന തോതിലാണ്.
77 ലക്ഷം കടന്ന് രാജ്യത്തെ കൊവിഡ് കേസുകൾ
രാജ്യത്ത് കൊവിഡ് രോഗബാധിതരുടെ എണ്ണം 77 ലക്ഷം കടന്നു. കഴിഞ്ഞ 24 മണിക്കൂറിനിടെ 55,000ത്തിലേറെ കൊവിഡ് കേസുകളാണ് രാജ്യത്ത് റിപ്പോർട്ട് ചെയ്തിരിക്കുന്നത്. കേന്ദ്ര ആരോഗ്യമന്ത്രാലയം പുറത്തുവിട്ടിരിക്കുന്ന കണക്ക് അനുസരിച്ച് കഴിഞ്ഞ 24 മണിക്കൂറിനിടെ 55,838 കേസുകളാണ് റിപ്പോര്‍ട്ട് ചെയ്തിരിക്കുന്നത്.ഇതോടെ ആകെ കൊവിഡ് ബാധിതരുടെ എണ്ണം 77,06,946 ആയി ഉയർന്നിരിക്കുകയാണ്. 7,15,812 ആക്ടീവ് കേസുകളാണ് നിലവിൽ രാജ്യത്തുള്ളത്. 68,74,518 പേർക്ക് രോഗമുക്തി ലഭിച്ചതായും ആരോഗ്യ മന്ത്രാലയം വ്യക്തമാക്കി. കഴിഞ്ഞദിവസം 79,415 പേരാണ് രോഗം ഭേദമായി ആശുപത്രി വിട്ടത്.
മാസ്ക് ധരിക്കുന്നത് കൊവിഡിനെ ഒരു പരിധി വരെ തടയുമെന്ന് ജപ്പാനിലെ ഗവേഷകര്‍
കൊവിഡിൽ നിന്നും രക്ഷനേടാൻ മാസ്ക് സഹായകമാണെങ്കിലും രോഗബാധ ഉണ്ടാകാനുള്ള സാധ്യത പൂർണമായും ഇല്ലാതാക്കാൻ കഴിയില്ലെന്ന് ടോക്കിയോ സർവകലാശാലയിലെ ശാസ്ത്രജ്ഞർ വ്യക്തമാക്കുന്നു.മാസ്ക് ധരിക്കുന്നതിലൂടെ വായുവിലുള്ള കൊറോണ വൈറസുകളിൽ നിന്ന് സംരക്ഷണം ലഭിക്കും. മാസ്ക് ധരിക്കാതിരുന്നതിനെക്കാൾ 40 മടങ്ങ് അധികം സുരക്ഷയാണ് മാസ്ക് ധരിക്കുന്ന ഒരാൾക്ക് ലഭിക്കുന്നത്.