പേ ഇളകിയ പശുവിന്‍റെ പാൽകുടിച്ച 20 പേർ ആശുപത്രിയിൽ

കണ്ണൂരിൽ പേ ബാധയേറ്റ പശുവിന്‍റെ പാൽ കുടിച്ചതിനെ തുടർന്ന് 26 പേർ ആശുപത്രിയിൽ ചികിത്സ തേടി. കണ്ണാടിപറമ്പിൽ നെടുവോട്ട് പള്ളിക്ക് സമീപത്തുള്ള മുജീബിന്‍റെ പശുവിനാണ് പേയിളകിയത്. കീരിയുടെ കടിയേറ്റിട്ടാണ് പേയിളകിയതെന്നാണ് വീട്ടുക്കാരുടെ സംശയം. സംഭവമറിഞ്ഞ് പശുവിന്‍റെ പാൽ കുടിച്ചവരെല്ലാം പരിഭ്രമത്തിലായി തുടർന്ന് ഇവർ ആശുപത്രിയിൽ ചികിത്സ തേടുകയും ചെയ്തു.

സംശയാസ്പദത്താൽ ആശുപത്രിയിൽ ചികിത്സ തേടിയ 26പേർക്കും പ്രാഥമിക ചികിത്സ ലഭ്യമാക്കിയിട്ടുണ്ട്. എന്നാൽ ഇവരുടെ ആരോഗ്യനിലയിൽ ആശങ്കപ്പെടേണ്ടതില്ലെന്നാണ് ആശുപത്രി അധികൃതർ അറിയിച്ചത്. പശുവിനും ഒപ്പം കിടാവിനും കഴിഞ്ഞ ദിവസം കീരിയുടെ കടിയേറ്റിരുന്നു. അതിനുശേഷമാണ് പശുവിൽ പേയുടെ ലക്ഷണങ്ങൾ കണ്ടുതുടങ്ങിയത്.

Cow got infected with rabies, 26 hospitalized in kannur

after consuming milk of cow, which got infected with rabies, 20 people got hospitalized in kannur.