കയ്യേറ്റം ഒഴിപ്പിക്കുന്നതിൽ സിപിഐക്ക് ഇരട്ടത്താപ്പെന്ന് കോടിയേരി

തിരുവനന്തപുരം: സിപിഎം സംസ്ഥാന സമിതിയിൽ സിപിഐക്കെതിരെ വിമർശനങ്ങൾ ഉന്നയിച്ച് സിപിഎം സംസ്ഥാന സെക്രട്ടറി കോടിയേരി ബാലകൃഷ്‌ണൻ. സിപിഎം വിരുദ്ധത സൃഷ്ടിക്കാൻ സിപിഐ ശ്രമിക്കുന്നുവെന്ന് ചൂണ്ടിക്കാട്ടി കോടിയേരി റിപ്പോർട്ട് സമർപ്പിച്ചു.

മുന്നണിയുടെ ഐക്യം കണക്കിലെടുത്തു കൊണ്ടാണ് സിപിഐക്കെതിരെ പരസ്യമായി ഒന്നും പറയാത്തതെന്ന് കോടിയേരി പറഞ്ഞു. മുഖ്യമന്ത്രിയെ ഒറ്റതിരിഞ്ഞ് ആക്രമിക്കാനാണ് സിപിഐ ശ്രമിക്കുന്നത്. പ്രതികരിക്കുമ്പോൾ കരുതൽ വേണമെന്നും കോടിയേരി ഓർമിപ്പിച്ചു. ടാറ്റയുടെ കയ്യേറ്റം ഒഴിപ്പിക്കുന്നത് ഇപ്പോൾ ബുദ്ധിമുട്ടാണെന്ന് കാനം രാജേന്ദ്രൻ എൽഡിഎഫ് യോഗത്തിൽ പറഞ്ഞിരുന്നു.

കയ്യേറ്റങ്ങൾ ഒഴിപ്പിക്കുന്നതിൽ സിപിഐക്ക് ഇരട്ടത്താപ്പാണെന്ന് കോടിയേരി കുറ്റപ്പെടുത്തി. കാനത്തിന്‍റെ നിലപാട് ഒഴികെ ബാക്കിയെല്ലാം മാധ്യമങ്ങളില്‍ വന്നുവെന്നും കോടിയേരി പറഞ്ഞു.

CPI has double stands in evacuating encroachments, says kodiyeri