ബിനീഷ് സർക്കാരുമായി ബന്ധപ്പെട്ട ആളല്ല; പിന്നെ എങ്ങനെ ബാധിക്കും: കാനം

തിരുവനന്തപുരം: എൻഫോഴ്മെന്റ് ഡയറക്ട്രേറ്റ് അറസ്റ്റ് ചെയ്ത ബിനീഷ് കൊടിയേരി സർക്കാരിൽ എന്തെങ്കിലും തരത്തിൽ പ്രവർത്തിക്കുന്ന ആളല്ലെന്ന് സിപിഐ സംസ്ഥാന സെക്രട്ടറി കാനം രാജേന്ദ്രൻ. പിന്നെ എങ്ങനെയാണ് ഇത് സർക്കാരിനെ ബാധിക്കുകയെന്നും അദ്ദേഹം ചോദിച്ചു.

Also Read: ബിനീഷ് ഒരു സിഗരറ്റുപോലും വലിക്കില്ല; മൗനം പൂണ്ടിരിക്കാൻ മനസില്ല; പിന്തുണയുമായി സിപിഎം നേതാവ്

ബിനീഷിനെ കേന്ദ്ര ഏജൻസികൾ വേട്ടയാടുകയാണെന്നും കാനം രാജേന്ദ്രൻ പറഞ്ഞു. കഴിഞ്ഞമാസം തങ്ങളുടെ എക്സിക്യൂട്ടീവ് യോഗത്തിൽ പറഞ്ഞ കാര്യങ്ങൾ എത്രമാത്രം ശരിയാണെന്ന് തെളിയിക്കുന്നതാണ് ഇപ്പോൾ കേരളത്തിൽ നടക്കുന്നതെന്നും കാനം പറഞ്ഞു.

നേതാക്കളുടെ മക്കൾ എന്നൊരു പ്രത്യേക വിഭാഗം ഇല്ല. എല്ലാ പൗരന്മാരും ഒരുപോലെയാണ്. സ‍ര്‍ക്കാരുമായി ബന്ധപ്പെട്ട ഒരാളല്ലാത്തതിനാൽ ഇതെങ്ങനെയാണ് സ‍ര്‍ക്കാരിനെ ബാധിക്കുക.

Also Read: 'മൂന്നര കോടി രൂപ നൽകി'; അനൂപ് ബിനീഷിന്റെ ബിനാമിയെന്ന് ഇഡി

ലഹരിമരുന്ന് കേസിൽ അറസ്റ്റ് ചെയ്തുവെന്നാണ് പറയുന്നത്, അങ്ങനെയല്ല. ഇത് കള്ളപ്പണം വെളിപ്പിക്കലുമായി ബന്ധപ്പെട്ട കേസാണ്. കണക്ക് കൃത്യമായി ബോധിപ്പിക്കാൻ കഴിഞ്ഞാൽ അത് നിയമപരമായി നേരിടാൻ കഴിയുമെന്നും കാനം പറ‍ഞ്ഞു.