'കാനവും മയപ്പെട്ടു, ഇനി എതിർപ്പുകളില്ല'; ജോസ് വിഭാഗത്തെ ഇടതുമുന്നണിയിലേക്ക് സ്വാഗതം ചെയ്‌ത് സിപിഐ

തിരുവനന്തപുരം: കേരളാ കോൺഗ്രസ് ജോസ് കെ മാണി വിഭാഗത്തിൻ്റെ എൽഡിഎഫ് പ്രവേശത്തെ സ്വാഗതം ചെയ്‌ത് സിപിഐ. ഇന്ന് ചേർന്ന സിപിഐ സംസ്ഥാന എക്സിക്യൂട്ടീവാണ് ജോസ് വിഭാഗത്തിൻ്റെ ഇടതുപ്രവേശത്തെ എതിർക്കേണ്ടതില്ലെന്ന നിലപാട് സ്വീകരിച്ചത്.

Also Read: 'നോട്ടുമാലയും ഹാരവും വേണ്ട, കൊട്ടിക്കലാശം പാടില്ല'; തെദ്ദേശ തെരഞ്ഞെടുപ്പിനുള്ള നിർദേശങ്ങൾ പ്രഖ്യാപിച്ചു

പൊതുനിലപാടിനൊപ്പം നിൽക്കാൻ തീരുമാനിച്ച സിപിഐ അടുത്ത എൽഡിഎഫ് യോഗത്തിൽ കോസ് വിഭാഗത്തിൻ്റെ മുന്നണി പ്രവേശം ചർച്ചയാകുമ്പോൾ എതിർക്കേണ്ടതില്ലെന്നും തീരുമാനിച്ചു. ജോസ്
വിഭാഗത്തിൻ്റെ നിലപാട് മാറ്റം സ്വാഗതാർഹമാണെന്ന് വിലയിരുത്തിയ സിപിഐ ഇക്കാര്യത്തിൽ എതിർപ്പ് ഉയർത്തേണ്ടതില്ലെന്നും തീരുമാനത്തിലേക്ക് എത്തിച്ചേർന്നു.

Also Read: തനിക്കെതിരെ പോസ്റ്റിട്ടയാളെ നാടുകടത്താൻ കെടി ജലീൽ സമ്മർദ്ദം ചെലുത്തി; സ്വപ്നയുടെ മൊഴി

കേരളാ കോണ്‍ഗ്രസ് രാഷ്ട്രീയ നിലപാടില്‍ മാറ്റംവരുത്തിയെന്ന് സിപിഐ എക്സിക്യൂട്ടീവ് വിലയിരുത്തി.
ജോസ് കെ മാണി യുഡിഎഫിനെ തള്ളിപ്പറയുകയും അവിടെ നിന്നും ലഭ്യമായ എംപി സ്ഥാനം രാജിവെക്കുകയും ചെയ്‌തു. എൽഡിഎഫിനേട് ചേർന്ന് പ്രവർത്തിക്കാൻ താൽപ്പര്യമുണ്ടെന്ന് ജോസും പാർട്ടിയും വ്യക്തമാക്കുകയും ചെയ്‌തു. ഈ സാഹചര്യത്തിൽ എതിപ്പ് ഉന്നയിക്കേണ്ടതില്ലെന്നും സിപിഐ തീരുമാനിച്ചു.

22ന് ചേരുന്ന എല്‍ഡിഎഫ് യോഗത്തില്‍ ഭൂരിപക്ഷം കക്ഷികള്‍ എടുക്കുന്ന തീരുമാനത്തിന് അനുസൃതമായ നിലപാട് തന്നെ സിപിഐയും നിലപാട് വ്യക്തമാക്കും. സിപിഐ അനുകൂല നിലപാട് സ്വീകരിച്ചതോടെ ജോസ് വിഭാഗത്തിൻ്റെ എൽഡിഎഫിലേക്കുള്ള പ്രവേശനത്തിന് ഔദ്യോഗിക പ്രഖ്യാപനം മാത്രമാണ് ആവശ്യം.