തിരുവനന്തപുരം: സിപിഎം സംസ്ഥാന സെക്രട്ടേറിയറ്റ് യോഗത്തിന് പിന്നാലെ സംസ്ഥാന സമിതി യോഗവും സമാപിച്ചു. പികെ ശശി എംഎല്എയ്ക്കെതിരായ ലൈംഗീകാരോപണക്കേസും നടപടിയും സംബന്ധിച്ച വിഷയത്തില് തീരുമാനമായില്ല. ഇക്കാര്യം 26 ന് ചേരുന്ന യോഗത്തില് പരിഗണിക്കും. അതേസമയം ശശിക്കെതിരെ കാര്യമായ അച്ചടക്കനടപടികള്ക്ക് സാധ്യതയില്ലെന്നാണ് സൂചന
സിപിഎം നടത്തുന്ന ജാഥയുടെ ക്യാപ്റ്റന് കൂടിയാണ് നിലവില് പികെ ശശി. ജാഥ ഈ മാസം 25ന് സമാപിക്കും. ജാഥ പുരോഗമിക്കുന്നതിനിടെ ജാഥാ ക്യാപ്റ്റനെതിരെ നടപടിയെടുക്കുന്നത് പാര്ട്ടിക്ക് ക്ഷീണമുണ്ടാക്കുമെന്ന വിലയിരുത്തലിന്റെ അടിസ്ഥാനത്തിലാണ് ഇക്കാര്യം 26ന് പരിഗണിക്കാന് തീരുമാനിച്ചതെന്നാണ് വിവരം.
ശബരിമല തീര്ത്ഥാടനവും ശബരിമലയിലെ പ്രശ്നങ്ങളും ബിജെപി പ്രതിഷേധങ്ങളും അടക്കമുള്ള വിഷയങ്ങളാണ് ഇന്ന് നടന്ന സംസ്ഥാന സമിതി, സെക്രട്ടേറിയറ്റ് യോഗങ്ങള് പ്രധാനമായും റിപ്പോര്ട്ട് ചെയ്തതെന്നാണ് റിപ്പോര്ട്ട്.