സിപിഎം സംസ്ഥാന സമിതി ഇന്ന്: ശശിക്കെതിരായ ആരോപണം ചർച്ചയാവും

തിരുവനന്തപുരം: സിപിഎം സംസ്ഥാന സമിതിയോഗം ഇന്ന് തുടങ്ങും. ഷൊർണൂർ എംഎൽഎ പി.കെ.ശശിക്കെതിരായ ആരോപണം അന്വേഷിച്ച കമ്മീഷൻ റിപ്പോർട്ടിൽ തീരുമാനമുണ്ടാവും. ഇന്നും നാളെയുമായാണ് സംസ്ഥാനസമിതി നടക്കുന്നത്.

വിഷയത്തിൽ റിപ്പോർട്ട് സമർപ്പിക്കാൻ മന്ത്രി എ കെ ബാലനും, പി കെ ശ്രീമതിയും അടങ്ങുന്ന രണ്ടംഗ അന്വേഷണ കമ്മീഷനെയാണ് പാർടി നിയോഗിച്ചരുന്നത്. ഇവരുടെ റിപ്പോർട്ടിൽ വിശദമായ ചർച്ച നടക്കും. ശശിക്കെതിരെ ശക്തമായ നടപടിയുണ്ടാവുമെന്നാണ് സൂചന.

2018 ഓഗസ്റ്റ് 14നാണ് പി കെ ശശിക്കെതിരെ പരാതി സിപിഎം നേതൃത്വത്തിന് ലഭിച്ചത്. മണ്ണാർക്കാട്ടെ പാർടി ഓഫീസിൽവെച്ച് തന്നോട് പി കെ ശശി അപമര്യാദയായി പെരുമാറിയെന്നാണ് ഡിവൈഎഫ്ഐ വനിതാ നേതാവിന്റെ പരാതി.