ഡിവൈഎഫ്ഐ നേതാവിന് വെട്ടേറ്റു; പന്തളത്ത് നാളെ ഹര്‍ത്താല്‍

പന്തളം: പന്തളത്ത് ഡിവൈഎഫ്ഐ നേതാവിന് വെട്ടേറ്റു. രാത്രി എട്ടു മണിയോടെയാണ് ഡിവൈഎഫ്ഐ ബ്ലോക്ക് ജോയിന്‍റ് സെക്രട്ടറി മണിക്കുട്ടനാണ് തലയ്ക്ക് വെട്ടേറ്റത്. അതേസമയം ആക്രമണത്തില്‍ പ്രതിഷേധിച്ചു പന്തളം നഗരത്തില്‍ സിപിഎം നാളെ ഹര്‍ത്താലിന് ആഹ്വാനം ചെയ്തു.

ആക്രമണത്തിനു പിന്നില്‍ എസ്‍ഡിപിഐയാണെന്നു സിപിഎം ആരോപിച്ചു. മണിക്കുട്ടനെ കോട്ടയം മെ‍ഡിക്കല്‍ കോളേജ് ആശുപത്രിയിലേക്ക് കൊണ്ടുപോയി. സിപിഎം ലോക്കല്‍ കമ്മിറ്റി ഒാഫീസിന് മുന്നില്‍ വച്ച് ഒാട്ടോയിലെത്തിയ സംഘമാണ് മണിക്കുട്ടനെ ആക്രമിച്ചത്.

അതേസമയം കഴിഞ്ഞ ദിവസം സ്ഥലത്ത് ഡിവൈഎഫ്ഐ എസ്‍ഡിപിഐ സംഘര്‍ഷം ഉണ്ടായിരുന്നു.