ജേക്കബ് തോമസ് രാജി വെക്കേണ്ടെന്ന് സിപിഎം

തിരുവനന്തപുരം: രാജി സന്നദ്ധത അറിയിച്ച വിജിലന്‍സ് ഡയറക്ടര്‍ ജേക്കബ് തോമസ് തല്‍സ്ഥാനത്ത് തുടരണമെന്ന് സിപിഎം. ധനകാര്യ പരിശോധന റിപ്പോര്‍ട്ടിലെ ആരോപണങ്ങളെത്തുടര്‍ന്ന് രാജി വെക്കുകയാണെന്ന് ജേക്കബ് തോമസ് അറിയിച്ചിരുന്നു.

ഇന്ന് രാവിലെയും രാജി തീരുമാനത്തില്‍ ജേക്കബ് തോമസ് ഉറച്ചു നിന്നതിനെത്തുടര്‍ന്നാണ് സിപിഎം നിലപാട് വ്യക്തമാക്കിയത്. മുഖ്യമന്ത്രി പിണറായി വിജയന്‍, സിപിഎം സെക്രട്ടറി കോടിയേരി ബാലകൃഷ്ണന്‍, സിപിഎം ദേശീയ ജനറല്‍ സെക്രട്ടറി സീതാറം യെച്ചൂരി എന്നിവര്‍ ചര്‍ച്ച നടത്തിയാണ് ജേക്കബ് തോമസ് തുടരണമെന്ന് നിലപാട് എടുത്തതെന്ന് മാധ്യമങ്ങള്‍ റിപ്പോര്‍ട്ട് ചെയ്തു.

അഴിമതിക്ക് എതിരെ കര്‍ശന നിലപാട് സ്വീകരിച്ച ജേക്കബ് തോമസ് രാജി വെക്കരുതെന്ന് ഭരണപരിഷ്കാര കമ്മീഷന്‍ ചെയര്‍മാന്‍ വി.എസ് അച്യുതാനന്ദനും അഭിപ്രായപ്പെട്ടു. ജേക്കബ് തോമസിന്‍റെ രാജി സര്‍ക്കാര്‍ സ്വീകരിക്കില്ലെന്നാണ് പ്രതീക്ഷിക്കുന്നതെന്ന് അദ്ദേഹം ഒരു ടെലിവിഷന്‍ ചാനലിനോട് പറഞ്ഞു.

CPM asks Jacob Thomas to Continue

CPM has requested Vigilance and Anti-Corruption Bureau Director Jacob Thomas to continue in his job. Jacob Thomas was offered to quit his position following corruption allegations.