ദേശീയപാതാവിരുദ്ധസമരം 11 പേരെ സിപിഎം പുറത്താക്കി

കണ്ണൂര്‍: സര്‍ക്കാ‍ര്‍ നിലപാടിനു വിരുദ്ധമായി ദേശീയപാതാവിരുദ്ധസമരം നടത്തിയ 11 പേരെ സിപിഎം പുറത്താക്കി. കീഴാറ്റൂര്‍ വടക്ക്, കീഴാറ്റൂര്‍ സെന്‍ട്രൽ ബ്രാഞ്ചുകളിലെ അംഗങ്ങളെയാണ് പാര്‍ട്ടി പുറത്താക്കിയത്.

പുറത്താക്കിയവിൽ 9 പേര്‍ കീഴാറ്റൂര്‍ സെൻട്രൽ ബ്രാഞ്ചിലും ബാക്കിയുള്ളവര്‍ കീഴാറ്റൂര്‍ വടക്ക് ബ്രാഞ്ചിലും പെട്ടവരാണ്. സമരത്തിൽ പങ്കെടുത്തതിനു ഇവരോട് പാര്‍ട്ടി വിശദീകരണം ചോദിച്ചിരുന്നെങ്കിലും വിശദീകരണം തൃപ്തികരമല്ലെന്ന് കണ്ടെത്തിയതിനെത്തുടര്‍ന്നാണ് നടപടി.