കോഴിക്കോട്: കോഴിക്കോട് യുഡിഎഫ് സ്ഥാനാര്ത്ഥി എം കെ രാഘനെതിരെ സിപിഎം മാനനഷ്ടക്കേസ് നൽകും. ഒളിക്യാമറാ വിവാദത്തിൽ സിപിഎമ്മിനെതിരെ ആരോപണമുന്നയിച്ച സാഹചര്യത്തിലാണ് നടപടിക്കൊരുങ്ങുന്നത്. സിപിഎം കോഴിക്കോട് ജില്ലാ നേതൃത്വവും മാഫിയാ സംഘവും ചേര്ന്ന് ഗൂഡാലോചന നടത്തിയെന്ന് എം കെ രാഘവൻ ആരോപിച്ചിരുന്നു. ഇത് സിപിഎമ്മിനെ അപകീര്ത്തിപ്പെടുത്തിയെന്ന് കാണിച്ചാണ് സിപിഎം നോട്ടീസ് നൽകിയിരിക്കുന്നത്.
അതേസമയം കഴിഞ്ഞ ദിവസം എൽഡിഎഫ് കോഴിക്കോട് പാര്ലമെന്റ് മണ്ഡലം കമ്മിറ്റി എം കെ രാഘവനെതിരെ തെരഞ്ഞെടുപ്പ് കമ്മീഷന് പരാതി നൽകിയിരുന്നു. എം കെ രാഘവൻ നടത്തിയ തെരഞ്ഞെടുപ്പ് ചട്ടലംഘനങ്ങളെക്കുറിച്ചും കള്ളപ്പണ ഇടപാടുകളെക്കുറിച്ചും അന്വേഷിക്കണമെന്ന് ആവശ്യപ്പെട്ടാണ് പരാതി.
അതേസമയം കഴിഞ്ഞ ദിവസം എൽഡിഎഫ് കോഴിക്കോട് പാര്ലമെന്റ് മണ്ഡലം കമ്മിറ്റി എം കെ രാഘവനെതിരെ തെരഞ്ഞെടുപ്പ് കമ്മീഷന് പരാതി നൽകിയിരുന്നു. എം കെ രാഘവൻ നടത്തിയ തെരഞ്ഞെടുപ്പ് ചട്ടലംഘനങ്ങളെക്കുറിച്ചും കള്ളപ്പണ ഇടപാടുകളെക്കുറിച്ചും അന്വേഷിക്കണമെന്ന് ആവശ്യപ്പെട്ടാണ് പരാതി.