കോഴിക്കോട്: അരിയിൽ ഷുക്കൂര് വധക്കേസിൽ പ്രതികരണവുമായി ഭരണ പരിഷ്കാര കമ്മീഷൻ വി എസ് അച്യുതാനന്ദൻ. സിപിഎം കണ്ണൂര് ജില്ലാ സെക്രട്ടറി പി ജയരാജനെതിരെ ചുമത്തിയ കൊലക്കുറ്റം രാഷ്ട്രീയ പ്രേരിതമല്ലെയെന്ന മാധ്യമ പ്രവര്ത്തകരുടെ ചോദ്യത്തിന് നിയമം നിയമത്തിൻ്റെ വഴിക്ക് തന്നെപോകട്ടെയെന്ന് വി എസ് പ്രതികരിച്ചു. അതേസമയം ഇന്നലെ രാവിലെയാണ് അരിയിൽ ഷുക്കൂറിനെ വധിച്ച കേസിൽ സിപിഎം കണ്ണൂര് ജില്ലാ സെക്രട്ടറി പി ജയരാജനെതിരെയും ടി വി രാജേഷ് എംഎൽഎയ്ക്കെതിരെയും സിബിഐ കുറ്റപത്രം സമര്പ്പിച്ചത്. പി ജയരാജനെതിരെ കൊലക്കുറ്റവും ടി വി രാജേഷിനെതിരെ ഗൂഢാലോചനക്കുറ്റവും ചുമത്തിയാ തലശ്ശേരി കോടതിയിൽ കുറ്റപത്രം സമര്പ്പിച്ചിരിക്കുന്നത്.
പി ജയരാജനും ടി വി രാജേഷും സഞ്ചരിച്ച കാറിനു നേരെ ആക്രമണം നടന്നതിനു പിന്നാലെ ഉണ്ടായ അക്രമപ്രവര്ത്തനങ്ങള്ക്കിടെയായിരുന്നു ഷുക്കൂറിന്റെ കൊലപാതകം. ഷുക്കൂറിനെ പിടികൂടിയ സിപിഎം പ്രവര്ത്തകര് അദ്ദേഹത്തിന്റെ ഫോട്ടോ മൊബൈലിൽ അയച്ച് നല്കി വാഹനം ആക്രമിച്ച സംഘത്തിൽ ഉണ്ടായിരുന്നു എന്ന് ഉറപ്പാക്കിയ ശേഷം കൊലപാതകം നടത്തിയെന്നാണ് കേസ്.
പി ജയരാജനും ടി വി രാജേഷും സഞ്ചരിച്ച കാറിനു നേരെ ആക്രമണം നടന്നതിനു പിന്നാലെ ഉണ്ടായ അക്രമപ്രവര്ത്തനങ്ങള്ക്കിടെയായിരുന്നു ഷുക്കൂറിന്റെ കൊലപാതകം. ഷുക്കൂറിനെ പിടികൂടിയ സിപിഎം പ്രവര്ത്തകര് അദ്ദേഹത്തിന്റെ ഫോട്ടോ മൊബൈലിൽ അയച്ച് നല്കി വാഹനം ആക്രമിച്ച സംഘത്തിൽ ഉണ്ടായിരുന്നു എന്ന് ഉറപ്പാക്കിയ ശേഷം കൊലപാതകം നടത്തിയെന്നാണ് കേസ്.