സിപിഎം സംസ്ഥാന സമിതി ഇന്നും നാളെയും

തിരുവനന്തപുരം: സംസ്ഥാന സെക്രട്ടറിയേറ്റിനെ തെരഞ്ഞെടുക്കുന്നതിനായി സിപിഎം സംസ്ഥാന സമിതി ഇന്ന് യോഗം ചേരും. ഇന്നും വ്യാഴാഴ്ചയുമായാണ് യോഗം നടക്കുക. കണ്ണൂര്‍ ജില്ലാ സെക്രട്ടറി പി.ജയരാജന്‍ ഉള്‍പ്പെടെ മൂന്ന് പുതുമുഖങ്ങള്‍ സെക്രട്ടറിയേറ്റിലെത്തിയേക്കുമെന്നാണ് വിവരങ്ങള്‍.

ദക്ഷിണാമൂര്‍ത്തിയുടെ ഒഴിവിലേക്കായിരിക്കും പി.ജയരാജനെ പരിഗണിക്കുക. അതേസമയം, ഇടതുമുന്നണി കണ്‍വീനറായി വൈക്കം വിശ്വന്‍ തുടരണമോ എന്നതുള്‍പ്പെടെയുള്ള കാര്യങ്ങളും സംസ്ഥാനസമിതി ചര്‍ച്ച ചെയ്യും. പുതുമുഖങ്ങള്‍ക്ക് അവസരം നല്‍കാന്‍ മുതിര്‍ന്ന കേന്ദ്രകമ്മിറ്റിയംഗങ്ങളായ പി.കരുണാകരന്‍, തോമസ് ഐസക്ക്, പി.കെ.ശ്രീമതി എന്നിവരെ ഒഴിവാക്കാൻ സാധ്യതയുണ്ട്.