സി പി എം രാമായണമാസാചരണം സംഘടിപ്പിക്കും

തിരുവനന്തപുരം: രാമായണമാസാചരണം സംഘടിപ്പിക്കാനൊരുങ്ങി സി പി എം രാമായണത്തിന്റെ സാമൂഹിക പശ്ചാത്തലം വിശദമാക്കുന്ന സെമിനാറുകളും പ്രഭാഷണങ്ങളും നടത്താനാണ് പാര്‍ട്ടി തീരുമാനം.

ക്ഷേത്രങ്ങള്‍ കയ്യടക്കാനുള്ള ബി ജെ പി ശ്രമം തടയുക എന്നതാണ് മുഖ്യ ലക്ഷ്യം. ഇതിനോടനുബന്ധിച്ച് ക്ഷേത്ര കമ്മറ്റിക്കാരുടെ യോഗം വിളിക്കാനും തീരുമാനിച്ചിട്ടുണ്ട്. പാര്‍ട്ടിയുടെ ഭാഗമായുള്ള സംസ്‌കൃത സംഘത്തിന്റെ നേതൃത്വത്തിലാണ് രാമായണ മാസാചരണം സംഘടിപ്പിക്കുന്നത്.

രാമായണ പാരായണത്തിനൊപ്പം ഇതിഹാസത്തിന്റെ സാമൂഹിക പശ്ചാത്തലവും വിശദീകരിക്കുന്ന സെമിനാറുകളും പ്രഭാഷണങ്ങളും സംഘടിപ്പിക്കുന്നുണ്ട്. ആലപ്പുഴയിലെ സെമിനാറില്‍ സുനില്‍ പി ഇളയിടമാണ് മുഖ്യപ്രഭാഷകന്‍. അഷ്ടമിരോഹിണി ദിനത്തില്‍ ശോഭായാത്രയും മറ്റും സംഘടിപ്പിച്ച സിപിഎം ഇതാദ്യമായാണ് രാമായണമാസാചരണം സംഘടിപ്പിക്കുന്നത്.