ശബരിമല: തിരുവനന്തപുരത്ത് ബഹുജന കൂട്ടായ്മ സംഘടിപ്പിക്കാൻ സിപിഎം

തിരുവനന്തപുരം: ശബരിമല സ്ത്രീപ്രവേശനവുമായി ബന്ധപ്പെട്ട് ഉയരു്ന ആരോപണങ്ങളെ മുഖ്യമന്ത്രിയെ മുൻനിര്‍ത്തി പ്രതിരോധിക്കാനുള്ള തീരുമാനത്തിൽ ഇടതുമുന്നണി. ഈ മാസം 16ന് തിരുവനന്തപുരത്ത് മുഖ്യമന്ത്രിയുടെ നേതൃത്വത്തിൽ ബഹുജനകൂട്ടായമ നടത്താൻ യോഗത്തിൽ തീരുമാനമായി. ഇതിനു പിന്നാലെ 23ന് പത്തനംതിട്ടയിലും 24ന് കൊല്ലത്തും മുഖ്യമന്ത്രി പങ്കെടുക്കുന്ന യോഗങ്ങള്‍ സംഘടിപ്പിക്കും.

കോടതി വിധിയ്ക്ക് പിന്നാലെ ജനങ്ങളെ തെറ്റിദ്ധരിപ്പിച്ച് ബിജെപി പ്രശ്നങ്ങളുണ്ടാക്കാൻ ശ്രമിക്കുകയാണെന്ന് എൽഡിഎഫ് കൺവീനര്‍ എ വിജയരാഘവൻ പറഞ്ഞു. ഈ മാസം എല്ലാ ജില്ലകളിലും വിശദീകരണയോഗം ചേരും.

ശബരിമല സ്ത്രീപ്രവേശനം അനുവദിച്ചു കൊണ്ടുള്ള സുപ്രീം കോടതി വിധിയ്ക്ക് പിന്നാലെ പൊതുജനങ്ങളെ തെറ്റിദ്ധരിപ്പിച്ച് ബിജെപി കുഴപ്പങ്ങളുണ്ടാക്കാൻ ശ്രമിക്കുകയാണെന്ന് എ വിജയരാഘവൻ പറഞ്ഞു. വിധിയുടെ പരിൽ സര്‍ക്കാരിനെ അട്ടിമറിക്കാനാണ് ശ്രമം.വിധി നടപ്പാക്കേണ്ടതിന്‍റെ പ്രാധാന്യവും വിധിയെ എതിര്‍ക്കുന്ന പാര്‍ട്ടികളുടെ രാഷ്ട്രീയലക്ഷ്യങ്ങളും തുറന്നു കാട്ടുകയാണ് യോഗങ്ങളുടെ ലക്ഷ്യം. വിഷയത്തിൽ കോൺഗ്രസ് ബിജെപിയ്ക്കൊപ്പം ചേര്‍ന്നത് അപകടകരമാണെന്നും അദ്ദേഹം മാധ്യമങ്ങളോട് പറഞ്ഞു. മുഖ്യമന്ത്രി കാര്യങ്ങള്‍ വിശദീകരിച്ചിട്ടും പ്രശ്നങ്ങള്‍ ഉണ്ടാക്കുകയാണെന്നും അദ്ദേഹം പറഞ്ഞു.