എം എം മണിക്ക് എതിരെ പാര്‍ട്ടി നടപടി എടുത്തേക്കും

തിരുവനന്തപുരം: ഇടുക്കി കയ്യേറ്റത്തില്‍ വിവാദ പരാമര്‍ശം നടത്തിയ മന്ത്രി എം എം മണിക്ക് എതിരെ പാര്‍ട്ടി തലത്തില്‍ നടപടി എടുത്തേക്കും.

സിപിഎം സംസ്ഥാന സെക്രട്ടറിയേറ്റിലാണ് ഇത് സംബന്ധിച്ച തീരുമാനം ഉണ്ടായതെന്ന് മാധ്യമങ്ങള്‍ റിപ്പോര്‍ട്ടു ചെയ്‍തു. എം.എം മണിക്ക് എതിരെയുള്ള അച്ചടക്ക നടപടി സിപിഎം സംസ്ഥാന സമിതി തീരുമാനിക്കും. സിപിഎം സംസ്ഥാന സെക്രട്ടറിയേറ്റില്‍ എംഎം മണിക്ക് എതിരെ രൂക്ഷ വിമര്‍ശനം ഉണ്ടായെന്നും കോടിയേരി ബാലകൃഷ്‍ണന്‍ ഉള്‍പ്പെടെയുള്ളവര്‍ മണിക്ക് എതിരായി നിലപാട് സ്വീകരിച്ചതായും മാതൃഭൂമി റിപ്പോര്‍ട്ട് ചെയ്‍തു.

പാര്‍ട്ടി എടുക്കുന്ന ഏത് തീരുമാനവും അംഗീകരിക്കുമെന്ന് എം എം മണി മാധ്യമ പ്രവര്‍ത്തകരോട് പറഞ്ഞു. സെക്രട്ടറിയേറ്റ് യോഗം കഴിഞ്ഞ് പുറത്തിറങ്ങിയപ്പോഴായിരുന്നു അദ്ദേഹത്തിന്‍റെ പ്രതികരണം.

CPM to take action against MM Mani

CPM state secreatariat may take disciplinary action against Minister MM Mani over his comments on Munnar encroachments.